Iivesi zeBhayibhile ezithandwayo ezisuka Locya 13

Share

“Makowyat kamo a omyavayo so macicya onowned nyo. Ko pa ciring jinyo am aro tao a makza no kasdep da macikaop do italamozong na ni Ama ta do to. Am ji sira makasdep a macikaop jira.

Amyan dang so asa ka mavakes a kovotan no kalamsoyan ni Satan. Nimeyngen a mina kawao so ikarwa (18) so awawan. Am ori o ipeyvovokoz na a ji rana meysonong so likod a tomanek. Macita na ni Yeso am tawagan na. Maniring jya am, “Mo kavakes, na nikarwan imo rana no ingingnen mo.”

Paoptahen na o lima na ni Yeso am ji nimeyyahahay ori a matazineng rana so kataotao. Ori o nisarayan na nya ji Ama ta do to.

O nimacipanownowji a tao am panomanomahen na sira an. O nimacipanomanoma tao am pangain na sira do panowjyan na an.”

No aneban na rana no mapeyvahay sya am meytatanek kamo do pantaw a mapaktoktow a manci no, ‘Mo kahakay, iwangan mo pa yamen an.’ Jyabo kaji na mapeyciringan sya jinyo so, ‘Ji kamo makamo am ko jyatenngi o nyo kapwan.’

Ko pa ciring jinyo am no si ji nyo ablisi o kapeyraraten nyo am akman kamo so sang a macitopos.”

O itovis na jinyo am, ‘Ko jyatenngi o nyo kapwan. Kazey kamo a yameyraraten a tao!’

Maniring si Yeso am, “Akman so wanjin paro o italamozong na ni Ama ta do to. Ikongo payyaingen ko sya. Oyowyat na ni Ama ta do to do talamozongan na ninyo am akman so likta vettow no nappa a mowahen no tao do peymowamowan na. No amlida rana am akma raney kayo a peyvahayan no meyyasasalap.”