Iivesi zeBhayibhile ezithandwayo ezisuka Лукара йибкьыд Шадды Хабар 14

Yabelana

– Зы джуды дидыхъаъ, ниныхъаъ, къариехъаъ, хынимешихъаъ, шубаӀшихъаъ, ришиймашихъаъ, джуды гьӀумирдихъаъ балана хъыджыганийдаа, Зас мутагьӀлим йикисдиш.

Джу джуды чӀир чӀеджеркӀванийдаа, Изды джыбра джугъӀунийклаа Изды мутагьӀлим йикисдиш.

ГьӀар джу выдж лаъ гьаъадбыйды саъ йикиси, джу выдж саъ гьаъад – лаъ йикиси.

Гьааса ваӀ ки диъи: вахӀде шыв ади ки хьуъ хаджаабгъумаа ваӀдаа Изды мутагьӀлимер дикис йикисдиш.

Нагагь ваӀклаа гьалыс-га тӀуьнтӀуьй лувза ваъас йиганахъун, гьание суьхьде сукьур йикисды харджибыр кьыле гьаъасдишме, «шийибыр гъийкъасиме» хьур гакъара? Дишди гедеэне, къандах йывхӀыр, бин гихьийне гвалах лаабтӀва ваъас йикисдиш. Хьели гьанийыы яхъӀ лагъуси, рухьура: «Мигьай, бин гихьир, бегьем гьаъас джишид!»

Мийманашис цухьра беземиш гьаъади, сес ваъ касибешихда, сур-хъӀырдыбишихда, бьӀркьӀыдбишихда на тӀыркьӀыдбишихда. Гьа гедеэне вадаа шад йикис йикиси: гьабишдаа вас мыкьый хъаъас йикисдиш, гьадыыла уджагълиер сыраа луьхъуьздуьд йыгъа гьа кар выды хьура лузаси.

Кьел йыхды кар виъи, амма кьел кьилирды дад кидне аджабгыхьвна, шыв каъаси хабыйек? Гьа гедеэне гьа гьидисне лазим хъӀувгъӀурдиш, гьадидаа накьв гъӀана ваъас ки йикисдиш. Гьа кьӀаарды хьуъ лывъара! Убрабыр кинийис ун йикий!