Iivesi zeBhayibhile ezithandwayo ezisuka Matyù 2

Share

Pobə lə̀ kwuunə̀ a ndâ gha ndzəənə̀ a moonə̀ wa pobə mǎ e Màriyà, ŋŋuʼnə̀ a ɨ̀shyə̂ nsəəkə̀ e, ndzùŋə̀ nnyaʼkə̀ ɨ̀pàamə̀ ɨ̀pobə nfuukə̀ a goldə̀, nɨ alyiinə, pobə mɨ̀ghurə̀ mɨ àzhyǎ nɨ pɨ pa nfuŋə̀ nɨ myrrh ŋŋâ ambo ze.

Pɨ lə̀ pyə̂ a Yěsû la a Bethlehem nɨ à lə̀ pənə pàa àlaʼà Judyà amwuə nkwùə̀ nɨ Heròdə̀ à lə̀ pənə ɨ̀fò. A lə̀ pə nkwùə̀ ghu, pànə̀ pɨ̀tse nɨ pobə lə̀ zhyə̂nə pɨsaŋə furə̀ a saʼà nẅùumə̀ ntô a Yèrusalèmə̀ mmə mbyiitə̀ lo, “Pɨ pyə̂ a moonə̀ wa nɨ à ghǎ pə ɨ̀fò pɨ̀Jew la ɨghə? Pəə lə̀ zəənə̀ a saŋə e nkwùə̀ nɨ à lə̀ furə̀nə a saʼà nẅùumə̀, ntyiʼə̀ ntô lo ghuʼtə̀ e.”

Pobə lə̀ ghaʼà ka mɨ̀zùŋə nkwùə̀ nɨ pobə lə̀ zəənə̀nə a saŋə wa.

Nẅùə̀ à lə̀ kwàtə̀ a ghobə amwuə ndzə̀əmə̀ lo kò pobə chi ndàŋə̀ a ghobə ndzəənə̀ a Heròdə̀. Pobə tyiʼə̀ ndàŋə̀ amwuə àlàŋə yè nyàanə ndèrə̀ a àlaʼà pobə. Nkwùə̀ nɨ pobə lə̀ furə̀nə a alyiʼə ghu mmə ndèrə̀ a ghobə, angèrə̀ Ndòʼnə̀mbyə̂ à lə̀ tô ambo Jòsebə̀ amwuə ndzə̀əmə̀ nshwəŋə̀ ambo ze lo, “Heròdə̀ ǎ mə tàʼà a moonə̀ wə̀ a nɨ zhwuutə̀. Lòo a ɨ̀shyə̂ ndòo e pobə mǎ e nkɨ̀ɨrə̀ ndèrə̀ a àlaʼà Egypt mbə ghu tə mbyàa nkwùə̀ nɨ mbɨ ghǎ shwəŋə̀ o lo nɨ̀ kẅirə̀ nkwə̂ ntiinə Heròdə̀ à wə̀ ntàʼà a nɨ zhwuutə̀ a moonə̀ wə̀.”