Iivesi zeBhayibhile ezithandwayo ezisuka JON 16

Share

Gonyiinii gudato kamajung tei doumatu tang karam jangpii samhang ai Inii gonyii dakii tam takle. Sazyii pouryiito gonyiinii kamage kalak doule, nlenii ntatulo, sazyii pouryiigo Inii ngamwo takle.”

Nlenii kasang mah rangii teinii gongsekchii, ahnyiinii gonyiigo kasang hang kiteikii chyiitatpyii tangle; kadapokii ahnii mpou teimaham kito roinii kito tam lakle, nlenii ahnii shiikalu hangtei ahnii tam tangle sateichii gongtang karam hangtei ahnii gonyii dakii tam matipyii tangle.

Aitoi katang gonyiinii gu zei kito mah kado khang makle; Khanglo, katunii gonyii mah ka-nta tei matwi mashang matu tang karam jangpii gonyiinii doutangle.

Nlenii Inii gonyii dakii kasangpii tam leile, Inii tat katu ai gonyii jangpii bibwile, kadapokii Inii tat tusuleponii; tiikahapii tei gonyiida gongsang gonglakle, nlenii Inii tat tuleponii, Inii ahgo gonyii dakii lang magong tangle. Sateichii ahnii gongsekchii, kem ninado kasang, kamajyii ninado samtak katii mah kaang kito sazyii pouryiigo tam matipyii tangle.

Tei takumpiinii aitoi gonyiido lung kamage leile; nlenii Inii gonyiigo ngouloi tangle sateichii gonyii lung nta tangle, ninado gonyii mah ka-nta tei mei kaniido gonyii dato poitoi lakle. “Sateichii teipiinei tei samah hangninii kado gonyiinii gudato n-nhiilakle. Kasang kasangpii Inii gonyii dakii tam leile, gonyiinii Pfii dato mah katalyii khang leponii, mpounii gu zei kito teitei gonyii dakii pyiitangle.

Kasang kasangpii Inii gonyii dakii tam leile, gonyiinii hatdo hat tangle, mageedo magee tangle, nlenii sazyii pouryiinanii nta tangle; gonyiinii lung kamage tangle, nlenii gonyii mah lung kamage tei ka-nta kikii ndatkai pyiitangle.