Agta New Tetament

<div class="version vid4102 iso6393apf" data-vid="4102" data-iso6393="apf">
 <div class="book bkJHN">
 <div class="chapter ch11" data-usfm="JHN.11">
 <div class="label">11</div><div class="s">U K&#225;kkatay ni Lazaro</div><div class="p"> 1Nadid, tehhod a essa a l&#225;llake a nagkasakit u ngahan na ay ti Lazaro. M&#225;gyan siya ti Betania, kaguman nu w&#225;wwadi na hide a di Maria sakay Marta. 2Ti Maria u n&#225;ngbulak tu pas&#225;ppot tu tik&#225;d ni Jesus sakay k&#225;ttapos ay pinahiden na tu buuk na. Sakay dipo nagkasakit ti Lazaro, 3ay impauwet nu matkaka ti Jesus kinagi de a, &#8220;Panginoon te saket u mahal mo a amigu.&#8221; 4Nikuna a masaneg iye ni Jesus ay kinagi na, &#8220;Awan siya matay tu saket na. Nagkasakit siya para maparangalan u Diyos, sakay tu pamamag-itan ni iye ay puriy&#225;n nu tolay u Anak nu Diyos.&#8221;</div><div class="p"> 5Mahal ni Jesus u m&#225;tkaka a di Marta, Maria sakay ti Lazaro. 6Pero maski ni mahal na hide ay pinalipas na pa u duwwa a aldew bagu a ummangay hod. 7K&#225;ttapos nu duwwa a aldew ay kinagi na tu disepulus na hide, &#8220;Magsole kitam ti Judea.&#8221; 8Timm&#225;bbeg hide, &#8220;Maisto, tu sangan he a aldew ay laan kitamon a batikal&#225;n nu Judio hide. Bakin magsole kitam pa hod?&#8221; 9Timm&#225;bbeg ti Jesus, &#8220;Awan beman te sapulo ay ti duwwa a odas tu maghapun? Kanya u maglakad ti aldew ay awan siya medamba, dipo metan de u demlag ti munduway. 10Pero u maglakad ti gibi ay mehakpa, dipo awan nikuna u demlag.&#8221; 11K&#225;ttapos ay kinagi pa ni Jesus, &#8220;U amigu tam a ti Lazaro ay netidug. Angen ko siya lukag&#225;n.&#8221; 12Kinagi nu disepulus na hide, &#8220;Panginoon, ni netidug siya ay magpiyya palla siya.&#8221; 13U akala de ay tidug la ti Lazaro, pero u gusto a kagiy&#225;n ni Jesus ay patay d&#225;n ti Lazaro. 14Kanya inliwanag iye ni Jesus nide, &#8220;Patay d&#225;n ti Lazaro. 15Pero magpasalamat&#225;k ta awan&#225;k hod dipo u gimit&#225;n ko a makataka-taka ay para nikam, para maniwala kam nik&#225;n. Kadtamon hod.&#8221; 16Ti Tomas a d&#225;ddulaw&#225;n a kambal ay kinagi na tu kaguman na hide a disepulus, &#8220;M&#225;kkuyog kitam nikuna, maski ni matay kitam a kaguman na.&#8221;</div><div class="s">Ti Jesus u Mangbiyag tu Tolay</div><div class="p"> 17K&#225;ddem&#225;t di Jesus ti Betania ay &#225;ppat d&#225;n a aldew a nel&#225;bb&#225;ng ti Lazaro. 18Te t&#225;llo a kilometro la u kadeyo ni Betania ti Jerusalem, 19kanya makpal tu Judio hide u nangbisita di Marta sakay ti Maria, para paha-paha&#225;n de hide tu k&#225;kkatay nu kapatk&#225;kka de.</div><div class="p"> 20Nikuna a mabaheta ni Marta a padem&#225;t ti Jesus ay tinagbu na siya pero nagwahak tu bilay ti Maria. 21Kinagi ni Marta ni Jesus, &#8220;Panginoon, ni hod ka la he ay awan nakwa natay u wadi ko. 22Pero maski nadid, ay tukoy ko a iyat&#225;d niko nu Diyos u maski &#225;nya a agid&#225;n mo nikuna.&#8221; 23Kinagi ni Jesus nikuna, &#8220;Mabiyag a huway u wadi mo.&#8221; 24Timm&#225;bbeg ti Marta, &#8220;Tukoy ko a mabiyag siya a huway tu dimodyan a aldew.&#8221; 25Kinagi ni Jesus nikuna, &#8220;Hik&#225;n u mangbiyag tu patay hide, sakay hik&#225;n be u mangat&#225;d ti biyag. U maniwala nik&#225;n, maski ni matay ay huway a mabiyag. 26U deyaman a biyag sakay maniwala nik&#225;n ay awan matay hanggan-hanggan. Maniwala ka beman ti iye, Marta?&#8221; 27Timm&#225;bbeg ti Marta, &#8220;On Panginoon, maniwala&#225;k a hiko u Cristo, u Anak nu Diyos, a inuhay me a padem&#225;t he ti munduw&#225;y.&#8221;</div><div class="s">Nagsanget ti Jesus</div><div class="p"> 28Tu p&#225;kkakagi na ti iye ay nagsole ti Marta tu bilay de. Dinulaw na u wadi na a ti Maria sakay kinagi na ti lihim, &#8220;Atoy d&#225;n u Maisto, sakay impadulaw na ka.&#8221; 29Nikuna a masaneg iye ni Maria ay timmakn&#225;g siya sakay nagalalisto a immangay tu k&#225;n Jesus. 30(Awan palla nakadem&#225;t ti Jesus tu Baryo, nan katoy palla siya tu nagtagbuwan de ay ti Marta.) 31Nikuna a ketan nu Judio hide a nagalalisto a linumuwas ti Maria tu bilay ay tinumagubet hide nikuna, ta u akala de ay angay siya tu p&#225;gl&#225;bb&#225;ngngan a magsanget.</div><div class="p"> 32K&#225;ddem&#225;t ni Maria tu p&#225;pp&#225;gyanan ni Jesus ay dimmapa siya tu atubang na sakay kinagi na, &#8220;Panginoon, ni katoy ka la he ay awan nakwa natay u wadi ko.&#8221; 33Nahabag ti Jesus tu p&#225;kketa na a magsanget ti Maria sakay u Judio hide a kaguman na. Kanya nalungkut siya a tahod. 34Tinanung na hide, &#8220;H&#225;dya moy siya a inl&#225;bb&#225;ng?&#8221; Timm&#225;bbeg hide, &#8220;Panginoon, karon he, agen mo iling&#225;n.&#8221; 35Sakay nagsanget ti Jesus. 36Kanya kinagi nu Judio hide, &#8220;Iling&#225;n moy talaga mahal na ti Lazaro.&#8221; 37Pero u agum ay kinagi de, &#8220;Awan beman pinagpiyya na u l&#225;llake a buh&#225;k? Bakin a awan na neligtas tu k&#225;kkatay ti Lazaro?&#8221;</div><div class="s">Nabiyag a Huway ti Lazaro</div><div class="p"> 38K&#225;ddem&#225;t di Jesus tu p&#225;gl&#225;bb&#225;ngngan ay nalungkut d&#225;mman siya a tahod. U pin&#225;ngl&#225;bb&#225;ngngan de ni Lazaro ay kuweba a te takl&#225;b a dak&#225;l a bito. 39Kinagi ni Jesus, &#8220;Bukasan moy i l&#225;bb&#225;ng nge.&#8221; Timm&#225;bbeg ti Marta a wadi nu natay, &#8220;Panginoon, &#225;ppat d&#225;n siya a aldew a nel&#225;bb&#225;ng, mabuyok d&#225;n ina,&#8221; kagi na. 40Kinagi ni Jesus nikuna, &#8220;Awan beman kinagi ko d&#225;n niko a ni maniwala ka ay ketan mo u kapuriyan nu Diyos?&#8221; 41Kanya inibutan de u bito. Timmangad ti Jesus ti langet sakay kinagi na, &#8220;Am&#225;ng, magpasalamat&#225;k niko dipo sinanig&#225;k mo. 42Tukoy ko a pirmiy&#225;k mo a sanig&#225;n. Kaya ko iye a kinagi ay dipo ti tolay&#225;y hide, para maniwala hide a hiko u n&#225;ngpaangay he nik&#225;n.&#8221; 43Tu p&#225;kkakagi na ti iye ay pimm&#225;khaw siya sakay kinagi na, &#8220;Lazaro, lumuwas ka!&#8221; 44Limmuwas ngane ti Lazaro a te balut palla u kama-kam&#225;t na sakay tu tika-tik&#225;d na ti pangl&#225;bb&#225;ng a damit, sakay nabalutan ti tela u hupa na. Kinagi ni Jesus nide, &#8220;Ibutan moy d&#225;n u balut na a damit, t&#225;n makalakad siya.&#8221;</div><div class="s">Plano de a Bunuw&#225;n ti Jesus</div><div class="r">(Mateo 26:1-5; Markos 14:1-2; Lukas 22:1-2)</div><div class="p"> 45Kanya makpal tu Judio hide a kaguman ni Maria u naniwala nikuna dipo tu netan de a ginimet ni Jesus. 46Pero u sangan nide ay immangay tu pinuno hide nu Pariseo sakay imbaheta de u ginimet ni Jesus. 47Kanya impadulaw nu pinuno nu Saserdote hide, sakay nu Pariseo hide u atanan a m&#225;gkataas a miyemro nu Judio hide. Sakay nikuna a naipun d&#225;n hide ay kinagi de, &#8220;&#193;nya u gimit&#225;n tam? Makpal a makataka-taka u ginimet ni tolayan iye. 48Ni p&#225;ppabayan tam siya, u atanan a tolay ay maniwala nikuna. Ni mangyare ina ay lusub&#225;n kitam nu sundalo hide ni Roma sakay sida&#225;n de u templo sakay u bansa tam.&#8221; 49Pero essa nide, ti Caifas a pinakapuno nu Saserdote hide ti taunay a itod, u nagupos a, &#8220;Talaga a awan kam ti tukoy. 50Awan moy beman naisip a mas maganda a matay u essa a tolay para tu banuwan na kasera ni mepahamak u buo a bansa?&#8221; 51Awan g&#225;bwat tu sadile na u kinagi na. Bilang essa a pinakapuno a Saserdote, ingkagi ina nu Diyos tu pamamag-itan na ay matay ti Jesus para tu buo a bansa. 52Sakay bak&#225;n la a tu bansa de, nan para tu atanan a anak nu Diyos a nekalat tu buu a mundu, para hide ay ipun&#225;n sakay pagessa&#225;n. 53Sapul hod ay binalak de a ipabuno ti Jesus. 54Kanya awan d&#225;n lantad a pumeta ti Jesus tu Judio hide nan immangay siya tu lugar a adene tu kaparangan, tu essa a banuwan a ni dulaw&#225;n ay Efraim. Sakay hod pahod siya a n&#225;kp&#225;gyan kaguman nu disepulus na hide.</div><div class="p"> 55Nadid ay adene d&#225;n u kasayaan nu Judio hide tu p&#225;ggala-ala de tu P&#225;gtaleb nu Anghel. Makpal a tolay a g&#225;bwat tu iba-iba a lugar nu Israel u immangay ti Jerusalem para tupad&#225;n de u utus ni Moises tungkul tu p&#225;glinis ti b&#225;ggi, bagu u kasayaan. 56In&#225;ileng di hod ti Jesus sakay nagtanungan hod hide tu templo, &#8220;&#193;nya ti palagay moyay? Angay w&#225;d he siya ti kasayaan&#225;y?&#8221; 57Ti itod a panahun ay inyutus nu pinuno nu Saserdote hide sakay nu Pariseo hide a ikagi ni ti deya man u makatukoy ni h&#225;dya ti Jesus para madak&#225;p de siya.</div>
 </div>
 </div>
</div>

Pahanan Agta New Testament © Philippine Bible Society and Wycliffe Bible Translators, Inc., 2017.

Nadid, tehhod a essa a lállake a nagkasakit u ngahan na ay ti Lazaro. Mágyan siya ti Betania, kaguman nu wáwwadi na hide a di Maria sakay Marta. Ti Maria u nángbulak tu pasáppot tu tikád ni Jesus sakay káttapos ay pinahiden na tu buuk na. Sakay dipo nagkasakit ti Lazaro, ay impauwet nu matkaka ti Jesus kinagi de a, “Panginoon te saket u mahal mo a amigu.” Nikuna a masaneg iye ni Jesus ay kinagi na, “Awan siya matay tu saket na. Nagkasakit siya para maparangalan u Diyos, sakay tu pamamag-itan ni iye ay puriyán nu tolay u Anak nu Diyos.”
Mahal ni Jesus u mátkaka a di Marta, Maria sakay ti Lazaro. Pero maski ni mahal na hide ay pinalipas na pa u duwwa a aldew bagu a ummangay hod. Káttapos nu duwwa a aldew ay kinagi na tu disepulus na hide, “Magsole kitam ti Judea.” Timmábbeg hide, “Maisto, tu sangan he a aldew ay laan kitamon a batikalán nu Judio hide. Bakin magsole kitam pa hod?” Timmábbeg ti Jesus, “Awan beman te sapulo ay ti duwwa a odas tu maghapun? Kanya u maglakad ti aldew ay awan siya medamba, dipo metan de u demlag ti munduway. Pero u maglakad ti gibi ay mehakpa, dipo awan nikuna u demlag.” Káttapos ay kinagi pa ni Jesus, “U amigu tam a ti Lazaro ay netidug. Angen ko siya lukagán.” Kinagi nu disepulus na hide, “Panginoon, ni netidug siya ay magpiyya palla siya.” U akala de ay tidug la ti Lazaro, pero u gusto a kagiyán ni Jesus ay patay dán ti Lazaro. Kanya inliwanag iye ni Jesus nide, “Patay dán ti Lazaro. Pero magpasalamaták ta awanák hod dipo u gimitán ko a makataka-taka ay para nikam, para maniwala kam nikán. Kadtamon hod.” Ti Tomas a dáddulawán a kambal ay kinagi na tu kaguman na hide a disepulus, “Mákkuyog kitam nikuna, maski ni matay kitam a kaguman na.”

Káddemát di Jesus ti Betania ay áppat dán a aldew a nelábbáng ti Lazaro. Te tállo a kilometro la u kadeyo ni Betania ti Jerusalem, kanya makpal tu Judio hide u nangbisita di Marta sakay ti Maria, para paha-pahaán de hide tu kákkatay nu kapatkákka de.
Nikuna a mabaheta ni Marta a pademát ti Jesus ay tinagbu na siya pero nagwahak tu bilay ti Maria. Kinagi ni Marta ni Jesus, “Panginoon, ni hod ka la he ay awan nakwa natay u wadi ko. Pero maski nadid, ay tukoy ko a iyatád niko nu Diyos u maski ánya a agidán mo nikuna.” Kinagi ni Jesus nikuna, “Mabiyag a huway u wadi mo.” Timmábbeg ti Marta, “Tukoy ko a mabiyag siya a huway tu dimodyan a aldew.” Kinagi ni Jesus nikuna, “Hikán u mangbiyag tu patay hide, sakay hikán be u mangatád ti biyag. U maniwala nikán, maski ni matay ay huway a mabiyag. U deyaman a biyag sakay maniwala nikán ay awan matay hanggan-hanggan. Maniwala ka beman ti iye, Marta?” Timmábbeg ti Marta, “On Panginoon, maniwalaák a hiko u Cristo, u Anak nu Diyos, a inuhay me a pademát he ti munduwáy.”

Tu pákkakagi na ti iye ay nagsole ti Marta tu bilay de. Dinulaw na u wadi na a ti Maria sakay kinagi na ti lihim, “Atoy dán u Maisto, sakay impadulaw na ka.” Nikuna a masaneg iye ni Maria ay timmaknág siya sakay nagalalisto a immangay tu kán Jesus. (Awan palla nakademát ti Jesus tu Baryo, nan katoy palla siya tu nagtagbuwan de ay ti Marta.) Nikuna a ketan nu Judio hide a nagalalisto a linumuwas ti Maria tu bilay ay tinumagubet hide nikuna, ta u akala de ay angay siya tu páglábbángngan a magsanget.
Káddemát ni Maria tu páppágyanan ni Jesus ay dimmapa siya tu atubang na sakay kinagi na, “Panginoon, ni katoy ka la he ay awan nakwa natay u wadi ko.” Nahabag ti Jesus tu pákketa na a magsanget ti Maria sakay u Judio hide a kaguman na. Kanya nalungkut siya a tahod. Tinanung na hide, “Hádya moy siya a inlábbáng?” Timmábbeg hide, “Panginoon, karon he, agen mo ilingán.” Sakay nagsanget ti Jesus. Kanya kinagi nu Judio hide, “Ilingán moy talaga mahal na ti Lazaro.” Pero u agum ay kinagi de, “Awan beman pinagpiyya na u lállake a buhák? Bakin a awan na neligtas tu kákkatay ti Lazaro?”

Káddemát di Jesus tu páglábbángngan ay nalungkut dámman siya a tahod. U pinánglábbángngan de ni Lazaro ay kuweba a te takláb a dakál a bito. Kinagi ni Jesus, “Bukasan moy i lábbáng nge.” Timmábbeg ti Marta a wadi nu natay, “Panginoon, áppat dán siya a aldew a nelábbáng, mabuyok dán ina,” kagi na. Kinagi ni Jesus nikuna, “Awan beman kinagi ko dán niko a ni maniwala ka ay ketan mo u kapuriyan nu Diyos?” Kanya inibutan de u bito. Timmangad ti Jesus ti langet sakay kinagi na, “Amáng, magpasalamaták niko dipo sinanigák mo. Tukoy ko a pirmiyák mo a sanigán. Kaya ko iye a kinagi ay dipo ti tolayáy hide, para maniwala hide a hiko u nángpaangay he nikán.” Tu pákkakagi na ti iye ay pimmákhaw siya sakay kinagi na, “Lazaro, lumuwas ka!” Limmuwas ngane ti Lazaro a te balut palla u kama-kamát na sakay tu tika-tikád na ti panglábbáng a damit, sakay nabalutan ti tela u hupa na. Kinagi ni Jesus nide, “Ibutan moy dán u balut na a damit, tán makalakad siya.”


Kanya makpal tu Judio hide a kaguman ni Maria u naniwala nikuna dipo tu netan de a ginimet ni Jesus. Pero u sangan nide ay immangay tu pinuno hide nu Pariseo sakay imbaheta de u ginimet ni Jesus. Kanya impadulaw nu pinuno nu Saserdote hide, sakay nu Pariseo hide u atanan a mágkataas a miyemro nu Judio hide. Sakay nikuna a naipun dán hide ay kinagi de, “Ánya u gimitán tam? Makpal a makataka-taka u ginimet ni tolayan iye. Ni páppabayan tam siya, u atanan a tolay ay maniwala nikuna. Ni mangyare ina ay lusubán kitam nu sundalo hide ni Roma sakay sidaán de u templo sakay u bansa tam.” Pero essa nide, ti Caifas a pinakapuno nu Saserdote hide ti taunay a itod, u nagupos a, “Talaga a awan kam ti tukoy. Awan moy beman naisip a mas maganda a matay u essa a tolay para tu banuwan na kasera ni mepahamak u buo a bansa?” Awan gábwat tu sadile na u kinagi na. Bilang essa a pinakapuno a Saserdote, ingkagi ina nu Diyos tu pamamag-itan na ay matay ti Jesus para tu buo a bansa. Sakay bakán la a tu bansa de, nan para tu atanan a anak nu Diyos a nekalat tu buu a mundu, para hide ay ipunán sakay pagessaán. Sapul hod ay binalak de a ipabuno ti Jesus. Kanya awan dán lantad a pumeta ti Jesus tu Judio hide nan immangay siya tu lugar a adene tu kaparangan, tu essa a banuwan a ni dulawán ay Efraim. Sakay hod pahod siya a nákpágyan kaguman nu disepulus na hide.
Nadid ay adene dán u kasayaan nu Judio hide tu pággala-ala de tu Págtaleb nu Anghel. Makpal a tolay a gábwat tu iba-iba a lugar nu Israel u immangay ti Jerusalem para tupadán de u utus ni Moises tungkul tu páglinis ti bággi, bagu u kasayaan. Ináileng di hod ti Jesus sakay nagtanungan hod hide tu templo, “Ánya ti palagay moyay? Angay wád he siya ti kasayaanáy?” Ti itod a panahun ay inyutus nu pinuno nu Saserdote hide sakay nu Pariseo hide a ikagi ni ti deya man u makatukoy ni hádya ti Jesus para madakáp de siya.

Phulaphula i Juan 11