Agta New Tetament

<div class="version vid4102 iso6393apf" data-vid="4102" data-iso6393="apf">
 <div class="book bkJHN">
 <div class="chapter ch12" data-usfm="JHN.12">
 <div class="label">12</div><div class="s">Binulakan ti Jesus ti Pas&#225;ppot</div><div class="r">(Mateo 26:6-13; Markos 14:3-9)</div><div class="p"> 1Nadid, &#225;nnam pa a aldew bagu u p&#225;ggala-ala tu P&#225;gtaleb nu Anghel ay dinumem&#225;t d&#225;n ti Jesus ti Betania, tu banuwan ni Lazaro a huway na a biniyag. 2Kanya naghanda di hod siya ti pangapon, sakay kimman siya a kaguman ti Lazaro. Ti Marta u naghanda tu kinanan de. 3Ti Maria be ay nangalap ti kalahating letro a mamahalin a pas&#225;ppot, iye a pas&#225;ppot ay g&#225;bwat tu mula a nardo. Imbulak na iye tu tik&#225;d ni Jesus sakay pinahiden na tu buuk na. Kanya u buo a bilay ay simm&#225;ppot. 4Kinagi ni Judas Iscariote a disepulus ni Jesus, a m&#225;ngtokyon nikuna, 5&#8220;U halaga ni pas&#225;ppotan ina ay katumbas nu sa-taon a suweldu. Bakin awan tam d&#225;lla inlako sakay u pilak ay inyat&#225;d tu m&#225;gkahirap hide?&#8221; 6Kinagi na iye, bak&#225;n a dipo tu p&#225;gmalasakit na tu m&#225;gkahirap hide nan dipo gusto na la a mangkupit tu pilak de. Siya u m&#225;ghemp&#225;s tu pilak de. Sakay k&#225;kkupit&#225;n na la itod. 7Pero kinagi ni Jesus, &#8220;Pabayan mo siya. Ta inbulak na iye tu b&#225;ggi ko, ta p&#225;nghanda na tu aldew nu p&#225;gl&#225;bb&#225;ng nik&#225;n. 8U m&#225;gkahirap hide ay pirme moy a kakaguman, pero hik&#225;n ay awan dan magmalay a kakaguman moy.&#8221;</div><div class="s">Planu de a Bunuw&#225;n ti Lazaro</div><div class="p"> 9Nikuna mabaheta nu makpal a tolay a katoy ti Jesus ti Betania ay ummangay hide hod. Bak&#225;n la a dipo ni Jesus nan gusto di be a ketan ti Lazaro a biniyag na a huway. 10Kanya pinalano be nu pinuno nu Saserdote hide a ipabuno ti Lazaro, 11dipo siya u dahilan kanya makpal a Judio u himmiwalay nide sakay naniwala ni Jesus.</div><div class="s">U P&#225;ngtanggap de ni Jesus ti Jerusalem</div><div class="r">(Mateo 21:1-11; Markos 11:1-11; Lukas 19:28-40)</div><div class="p"> 12Tu kadima-dimangan ay nabaheta nu makpal a tolay a immangay tu kasayaan a patamo ti Jesus ti Jerusalem. 13Kanya nangalap hide ti palmera sakay limmuwas hide tu banuwan sakay tinagbu de siya. Pimm&#225;khaw hide, &#8220;Puriy&#225;n u Diyos! Pagpalaan u padem&#225;t tu ngahan nu Panginoon. Puriy&#225;n u Hare nu Israel.&#8221; 14Netan ni Jesus u essa a bul-o a asno#12:14 U asno ay essa a kalase ni hayup a kum&#225;n a kabayo pero mas mabegsak iye nan u kabayo. sakay itod u sinakayan na, a konna tu nesulat,</div><div class="q1"> 15&#8220;Diyan kam manteng taga-Jerusalem hide.</div><div class="q2">Iling&#225;n moy, u k&#225;ddem&#225;t nu hare moy</div><div class="q2">a m&#225;gkabayo tu bul-o a asno.&#8221;</div><div class="p"> 16Tu dipalongo ay awan iye naintendiyan nu disepulus hide ni Jesus. Pero nikuna a makasole d&#225;n ti Jesus ti langet ay hod de a naintendiyan a u nakasulat tu Kasulatan ay tungkul ni Jesus sakay itod u nangyare.</div><div class="p"> 17Makpal u naketa nikuna a biyag&#225;n a huway ni Jesus ti Lazaro. Imb&#225;bbaheta de i pangyayariyan iye tu agum. 18Kanya makpal u timmagbu ni Jesus dipo nabaheta de u ginimet na a makataka-taka a bagay. 19Nadid ay nam&#225;gguhon u Pariseo hide, &#8220;Iling&#225;n moy, umunonod d&#225;n nikuna u atanan a tolay, awan kitamon ti magimet!&#8221;</div><div class="p"> 20Tehhod be a sangan a Griego a immangay tu kasayaan nu Aldew nu Pagtaleb para sumamba. 21Immadene hide ni Felipe a taga-Betsaida, iye ay prubinsiya ni Galilea. Kinagi de nikuna, &#8220;Maisto, maare mi w&#225;d a mauhon ti Jesus?&#8221; 22Immangay ti Felipe tu k&#225;n Andres sakay kinagi na nikuna u kinagi nu Griego hide. K&#225;ttapos ay immangay hide a duwwa tu k&#225;n Jesus sakay kinagi de u ipekagi de. 23Timm&#225;bbeg ti Jesus nide, &#8220;Dummem&#225;t d&#225;n u odas para parangalan u Anak nu Tolay. 24Tandaan moy: maliban a mat&#225;kneg tu luta u essa a butil nu pahay sakay matay ay manatile itod a m&#225;ggeessa. Pero ni memula ay magbunga itod ti makpal. 25U deyaman a mangpahalaga tu sadili nala ay siya u mawanan. Pero u awan m&#225;ngpahalaga tu biyag na ti munduwan iye alang-alang nik&#225;n ay magkahod ti biyag a awan ti kah&#225;d. 26U atanan a masoh a magin disepulus ko ay dapat umunonod nik&#225;n, para ni h&#225;dya&#225;k ay katoy bi hod siya. U deyaman a magserbi nik&#225;n ay ilangkaw nu Ama.&#8221;</div><div class="s">Ingkagi ni Jesus u K&#225;kkatay Na</div><div class="p"> 27Kinagi ni Jesus, &#8220;Mabalisa&#225;k nadid. Kagiy&#225;n ku beman tu Ama a iligtas&#225;k na tu m&#225;ggade-adene a p&#225;ghirap? Awan, dipo iye u dahilan ni bakin katoy&#225;k he.&#8221; 28K&#225;ttapos ay kinagi ni Jesus tu Ama, &#8220;Am&#225;ng ipeta mo u kapuriyan mo tu tolay.&#8221; Nikuna a nakagi na itod ay essa a boses u timm&#225;bbeg, &#8220;Impeta ku d&#225;n tu pamamag-itan mo, sakay huway ko iye a ipeta.&#8221;</div><div class="p"> 29Nikuna a masaneg nu tolay hide a katoy hod u boses ay kinagi de a, &#8220;Nagmahadat!&#8221; Pero kagi be nu agum ay, &#8220;Kinauhon na u essa a anghel.&#8221; 30Kinagi ni Jesus nide, &#8220;Iye a boses ay impasaneg na nikam bak&#225;n a para nik&#225;n. 31Dummem&#225;t d&#225;n u odas a hatulan u mundu. Sakay palayas&#225;n ti Satanas a maghare tu mundu. 32Sakay ni melangkawak d&#225;n ay iyadene ko u atanan a tolay tu sadile ko.&#8221; 33Kinagi iye ni Jesus para ipaliwanag na nide ni kodya siya a matay. 34Timm&#225;bbeg u tolay hide nikuna, &#8220;Nakasulat tu Kasulatan, u Cristo ay mabiyag hanggan-hanggan. Kodya mo a makagi a kailangan a matay u Anak nu Tolay? Ti deya beman u Anak nu tolay a gusto mo a kagiy&#225;n?&#8221; 35Timm&#225;bbeg ti Jesus nide, &#8220;Sabadit d&#225;lla a panahun a makaguman moy u demlag. Kanya mabiyag kam tu demlag mentaras a hod palla he u demlag, para awan kam abut&#225;n nu diham. Dipo awan tukoy nu maglakad tu kadikl&#225;mman ni h&#225;dya siya angayan. 36Kanya sumampalataya kam tu demlag mentaras a hed palla he, t&#225;n magin tolay kam nu demlag.&#8221; Kattapos na iye a kagiy&#225;n ay limmakad siya a timmagu nide.</div><div class="s">Awan Summampalataya ni Jesus u Judio hide</div><div class="p"> 37Maski ni netan nu Judio hide u makpal a makataka-taka a ginimet ni Jesus ay awan pade hide maniwala nikuna. 38Para ti konna hod ay matupad u kinagi ni Prupeta Isaias,</div><div class="q1">&#8220;Panginoon, tideya u maniwala tu kinagi me? Kandeya mo a impeta u kapangyariyan mo?&#8221;</div><div class="m"> 39Konna tu kinagi pa ni Isaias, awan hide maniwala dipo: 40&#8220;Hik&#225;n a Diyos binuh&#225;k ko u mata-mata de</div><div class="q1">sakay pinaig&#225;t ko u puso de,</div><div class="q2">t&#225;n awan maketa u mata-mata de</div><div class="q1">sakay awan makaintende u isip de,</div><div class="q2">dipo makay magsole hide nik&#225;n,</div><div class="q1">sakay pagpiyya&#225;n ko hide.&#8221;</div><div class="m"> 41Kanya kinagi iye ni Isaias dipo netan na tu itod u pagka Diyos ni Cristo, sakay nagbaheta siya tungkol ni Jesus.</div><div class="p"> 42Konna man hod ay makpal labe tu puno nu Judio hide u naniwala ni Jesus. Pero inlihim di la iye dipo tu &#225;nteng de tu Pariseo hide, sakay um&#225;d de a mapalakad hide tu bilay a p&#225;gsambaan. 43Dipo ginusto dipa a puriy&#225;n hide nu tolay kasera tu Diyos.</div><div class="s">U Upos ni Jesus u Manghatul tu Tolay hide</div><div class="p"> 44Kinagi ni Jesus ti mabegs&#225;k, &#8220;U maniwala nik&#225;n ay bak&#225;n la a hik&#225;n u pinaniwalaan na nan pate be tu nangpaangay he nik&#225;n. 45Sakay u naketa nik&#225;n ay naketa d&#225;m be tu nangpaangay he nik&#225;n. 46Immangay&#225;k he para demlag ni munduway, tan deya man u maniwala nik&#225;n ay awan manatili tu kadikl&#225;mman. 47U deya man a nakasaneg tu toldu ko hide pero um&#225;d a sumunud ay awan ko siya hatulan. Dipo awan&#225;k he immangay para hatulan i munduway nan iligtas u tolay hide. 48Tehhod a manghatul tu um&#225;d a mangtanggap tu toldu ko. U upos a ip&#225;ppangaral ko u manghatul nide tu dimodyan a aldew. 49Dipo u it&#225;ttoldu ko ay bak&#225;n a g&#225;bwat tu sadile ku la nan g&#225;bwat tu Ama a nangpaangay he nik&#225;n. Siya u nagutus tu kagiy&#225;n ko. 50Sakay tukoy ko u utus na hide ay mangat&#225;d ti biyag a awan ti kah&#225;d. Kanya ni &#225;nya u ipekagi nu Ama, ay itod la u k&#225;kkagiy&#225;n ko nikam.&#8221;</div>
 </div>
 </div>
</div>

Pahanan Agta New Testament © Philippine Bible Society and Wycliffe Bible Translators, Inc., 2017.

Nadid, ánnam pa a aldew bagu u pággala-ala tu Págtaleb nu Anghel ay dinumemát dán ti Jesus ti Betania, tu banuwan ni Lazaro a huway na a biniyag. Kanya naghanda di hod siya ti pangapon, sakay kimman siya a kaguman ti Lazaro. Ti Marta u naghanda tu kinanan de. Ti Maria be ay nangalap ti kalahating letro a mamahalin a pasáppot, iye a pasáppot ay gábwat tu mula a nardo. Imbulak na iye tu tikád ni Jesus sakay pinahiden na tu buuk na. Kanya u buo a bilay ay simmáppot. Kinagi ni Judas Iscariote a disepulus ni Jesus, a mángtokyon nikuna, “U halaga ni pasáppotan ina ay katumbas nu sa-taon a suweldu. Bakin awan tam dálla inlako sakay u pilak ay inyatád tu mágkahirap hide?” Kinagi na iye, bakán a dipo tu págmalasakit na tu mágkahirap hide nan dipo gusto na la a mangkupit tu pilak de. Siya u mághempás tu pilak de. Sakay kákkupitán na la itod. Pero kinagi ni Jesus, “Pabayan mo siya. Ta inbulak na iye tu bággi ko, ta pánghanda na tu aldew nu páglábbáng nikán. U mágkahirap hide ay pirme moy a kakaguman, pero hikán ay awan dan magmalay a kakaguman moy.”

Nikuna mabaheta nu makpal a tolay a katoy ti Jesus ti Betania ay ummangay hide hod. Bakán la a dipo ni Jesus nan gusto di be a ketan ti Lazaro a biniyag na a huway. Kanya pinalano be nu pinuno nu Saserdote hide a ipabuno ti Lazaro, dipo siya u dahilan kanya makpal a Judio u himmiwalay nide sakay naniwala ni Jesus.


Tu kadima-dimangan ay nabaheta nu makpal a tolay a immangay tu kasayaan a patamo ti Jesus ti Jerusalem. Kanya nangalap hide ti palmera sakay limmuwas hide tu banuwan sakay tinagbu de siya. Pimmákhaw hide, “Puriyán u Diyos! Pagpalaan u pademát tu ngahan nu Panginoon. Puriyán u Hare nu Israel.” Netan ni Jesus u essa a bul-o a asno sakay itod u sinakayan na, a konna tu nesulat,
“Diyan kam manteng taga-Jerusalem hide.
Ilingán moy, u káddemát nu hare moy
a mágkabayo tu bul-o a asno.”
Tu dipalongo ay awan iye naintendiyan nu disepulus hide ni Jesus. Pero nikuna a makasole dán ti Jesus ti langet ay hod de a naintendiyan a u nakasulat tu Kasulatan ay tungkul ni Jesus sakay itod u nangyare.
Makpal u naketa nikuna a biyagán a huway ni Jesus ti Lazaro. Imbábbaheta de i pangyayariyan iye tu agum. Kanya makpal u timmagbu ni Jesus dipo nabaheta de u ginimet na a makataka-taka a bagay. Nadid ay namágguhon u Pariseo hide, “Ilingán moy, umunonod dán nikuna u atanan a tolay, awan kitamon ti magimet!”
Tehhod be a sangan a Griego a immangay tu kasayaan nu Aldew nu Pagtaleb para sumamba. Immadene hide ni Felipe a taga-Betsaida, iye ay prubinsiya ni Galilea. Kinagi de nikuna, “Maisto, maare mi wád a mauhon ti Jesus?” Immangay ti Felipe tu kán Andres sakay kinagi na nikuna u kinagi nu Griego hide. Káttapos ay immangay hide a duwwa tu kán Jesus sakay kinagi de u ipekagi de. Timmábbeg ti Jesus nide, “Dummemát dán u odas para parangalan u Anak nu Tolay. Tandaan moy: maliban a matákneg tu luta u essa a butil nu pahay sakay matay ay manatile itod a mággeessa. Pero ni memula ay magbunga itod ti makpal. U deyaman a mangpahalaga tu sadili nala ay siya u mawanan. Pero u awan mángpahalaga tu biyag na ti munduwan iye alang-alang nikán ay magkahod ti biyag a awan ti kahád. U atanan a masoh a magin disepulus ko ay dapat umunonod nikán, para ni hádyaák ay katoy bi hod siya. U deyaman a magserbi nikán ay ilangkaw nu Ama.”

Kinagi ni Jesus, “Mabalisaák nadid. Kagiyán ku beman tu Ama a iligtasák na tu mággade-adene a pághirap? Awan, dipo iye u dahilan ni bakin katoyák he.” Káttapos ay kinagi ni Jesus tu Ama, “Amáng ipeta mo u kapuriyan mo tu tolay.” Nikuna a nakagi na itod ay essa a boses u timmábbeg, “Impeta ku dán tu pamamag-itan mo, sakay huway ko iye a ipeta.”
Nikuna a masaneg nu tolay hide a katoy hod u boses ay kinagi de a, “Nagmahadat!” Pero kagi be nu agum ay, “Kinauhon na u essa a anghel.” Kinagi ni Jesus nide, “Iye a boses ay impasaneg na nikam bakán a para nikán. Dummemát dán u odas a hatulan u mundu. Sakay palayasán ti Satanas a maghare tu mundu. Sakay ni melangkawak dán ay iyadene ko u atanan a tolay tu sadile ko.” Kinagi iye ni Jesus para ipaliwanag na nide ni kodya siya a matay. Timmábbeg u tolay hide nikuna, “Nakasulat tu Kasulatan, u Cristo ay mabiyag hanggan-hanggan. Kodya mo a makagi a kailangan a matay u Anak nu Tolay? Ti deya beman u Anak nu tolay a gusto mo a kagiyán?” Timmábbeg ti Jesus nide, “Sabadit dálla a panahun a makaguman moy u demlag. Kanya mabiyag kam tu demlag mentaras a hod palla he u demlag, para awan kam abután nu diham. Dipo awan tukoy nu maglakad tu kadiklámman ni hádya siya angayan. Kanya sumampalataya kam tu demlag mentaras a hed palla he, tán magin tolay kam nu demlag.” Kattapos na iye a kagiyán ay limmakad siya a timmagu nide.

Maski ni netan nu Judio hide u makpal a makataka-taka a ginimet ni Jesus ay awan pade hide maniwala nikuna. Para ti konna hod ay matupad u kinagi ni Prupeta Isaias,
“Panginoon, tideya u maniwala tu kinagi me? Kandeya mo a impeta u kapangyariyan mo?”
Konna tu kinagi pa ni Isaias, awan hide maniwala dipo: “Hikán a Diyos binuhák ko u mata-mata de
sakay pinaigát ko u puso de,
tán awan maketa u mata-mata de
sakay awan makaintende u isip de,
dipo makay magsole hide nikán,
sakay pagpiyyaán ko hide.”
Kanya kinagi iye ni Isaias dipo netan na tu itod u pagka Diyos ni Cristo, sakay nagbaheta siya tungkol ni Jesus.
Konna man hod ay makpal labe tu puno nu Judio hide u naniwala ni Jesus. Pero inlihim di la iye dipo tu ánteng de tu Pariseo hide, sakay umád de a mapalakad hide tu bilay a págsambaan. Dipo ginusto dipa a puriyán hide nu tolay kasera tu Diyos.

Kinagi ni Jesus ti mabegsák, “U maniwala nikán ay bakán la a hikán u pinaniwalaan na nan pate be tu nangpaangay he nikán. Sakay u naketa nikán ay naketa dám be tu nangpaangay he nikán. Immangayák he para demlag ni munduway, tan deya man u maniwala nikán ay awan manatili tu kadiklámman. U deya man a nakasaneg tu toldu ko hide pero umád a sumunud ay awan ko siya hatulan. Dipo awanák he immangay para hatulan i munduway nan iligtas u tolay hide. Tehhod a manghatul tu umád a mangtanggap tu toldu ko. U upos a ipáppangaral ko u manghatul nide tu dimodyan a aldew. Dipo u itáttoldu ko ay bakán a gábwat tu sadile ku la nan gábwat tu Ama a nangpaangay he nikán. Siya u nagutus tu kagiyán ko. Sakay tukoy ko u utus na hide ay mangatád ti biyag a awan ti kahád. Kanya ni ánya u ipekagi nu Ama, ay itod la u kákkagiyán ko nikam.”

Phulaphula i Juan 12