Plano sa Pakikipaglabang EspirituwalHalimbawa

DAY 5: Pitong Paraan Para Palayasin ang Diyablo

Ipinangako ng Diyos sa atin na hahayaan Niyang matalo ang ating mga kalaban sa harap natin mismo. Pero maaaring makaharang tayo sa mga biyaya at mag-iwan ng lugar para ang kaaway ay tumayo sa harap natin sa halip na tumakas sa pitong hiwa-hiwalay na daan. Sa ganyang pag-iisip, narito ang pitong pamamaraan para palayasin ang diablo sa pitong paraan.

1. Masigasig na sundin ang boses ng Panginoon mong Diyos

2. Magsisi bago ka sumabak sa labanan

3. Tandaan mo na ang Diyos ay nasa panig mo

4. Makipagdigmaan sa posisyon ng tagumpay

5. Patuloy na magpuri

6. Dalhin ang iyong sandata

7. Manalangin parati at maging mapagmatyag

Ang pagdurog sa kapangyarihan ng walang katapusang problema ay kadalasang nangangailangan lamang ng mas mahusay na pagde-desisyon, pero kapag ito ay isang maka-demonyong siklo, kailangan mong kilalanin ang mga imahinasyon at maling pag-iisip na pinahihintulutan ang mga masasamang espiritu na magdala ng gulo sa iyong buhay. 

Magpatuloy ka, mandirigmang espirituwal, nang may pagpupuri sa iyong puso at panalangin sa iyong bibig, handa sa pakikipaglaban. Ang pakikipaglaban ay sa Panginoon, at ang diablo ay tatakas sa pitong watak-watak na daan. Wala siyang magagawa kapag isinuko mo ang iyong sarili sa Diyos at tinanggihan mo siya. Walang demonyo sa impiyerno ang mas lalakas pa sa pagnanais na naaayon sa Salita ng Diyos. Bumabaha ang pagpapala ng Diyos sa kaluluwang hinahanap muna ang kaharian ng Diyos at ang Kanyang katuwiran.