Patient ka ba? 😅

Ano ang madalas na iniisip mo kapag may gusto kang magbago o mangyari? Posible bang ang iniisip mo ay, “Ano ang pinakamabilis na paraan?” Itinuturo tayo ng mundo na maghanap ng instant: instant noodles, instant cash, microwaveable na pagkain. Hindi ba gusto natin ng instant na result, and then we get disappointed when things don’t go as expected?

Alam mo bang isa sa mga fruits of the spirit is patience? Hindi madali maging matiyaga. Today, gusto naming tingnan natin ang paraan ni Lord sa “pag-aayos” ng mga broken people —malamang makakatulong ito sa atin sa pagiging patient, both to ourselves and to others.

Hindi lang Siya naglalagay ng band-aid dito at doon; ipinako Niya ang buong pagkatao mo sa krus nang mamatay Siya bilang ikaw! Kaya ngayon, ikaw ay ganap na buo, kahit na minsan hindi ito makikita ng ating mga mata. At kapag nadidismaya tayo sa kakulangan ng resulta, ito ang basahin natin:

Natitiyak kong ipagpapatuloy ng Dios ang mabuting gawain na sinimulan niya sa inyo hanggang sa araw ng pagbabalik ni Cristo Jesus. (Filipos 1:6 ASND)

At ito ang patuloy na sinasabi Niya sa’yo ngayon. If you feel like you're facing challenges, ito ang gusto Niya. Hindi Niya hinihiling na ayusin mo ito sa sarili mong lakas; alam Niya na hindi mo kaya, at ito ang dahilan kung bakit Siya ang gumagawa para sa’yo. Hindi Siya nagmamadaling mawala ang mga bad habits that you can still see, but His love will chase after you and wait for your transformation.

Ganito pala ang patience ni God sa atin, and when we practice looking at things through His eyes, makakapagbigay din tayo ng patience sa ating sarili at sa iba.

Isa kang miracle!