Lahat ng Mga Bagong BagayHalimbawa

Kung mayroon mang isang bagay tungkol sa pag-aaral ng 2 Mga Taga-Corinto na hinamon ako nang personal, ito ay ang hindi pag-iwas ni Pablo sa mga mahihirap na relasyon. Darating tayo diyan sa kalaunan, subalit ang Mga Taga-Corinto ay may mga naging isyu kay Pablo, at ang hindi niya pagpapakita noong sinabi niyang darating siya ang isa sa mga ito. Subalit bago dumako si Pablo sa isang pagpapaliwanag ng kanyang mga kilos, itinatag muna niya ang kanyang puso patungo sa kanila. 

Ang simbahan ay hindi tumugon nang maayos kay Pablo ayon sa 1 Mga Taga-Corinto. Ang kapwa-manggagawa sa ministeryo ni Pablo na si Timoteo, ay bumisita sa Mga Taga-Corinto pagkatapos isulat ni Pablo ang liham na iyon, na iniuulat ang hindi birong mga problema - usaping moral, bulok na paniniwala, at pangkat ng mga relasyon, ang ilan sa mga problema. Bunga nito, naglayag si Pablo mula sa Efeso patungo sa Corinto para harapin ang mga taga-Corinto nang personal, na tinukoy niya sa 2 Mga Taga-Corinto 2:1-2 bilang "nakakalungkot na pagbisita."

Ang sipi para sa araw na ito ay naghahayag na ang mga taga-Corinto ay nagtanong kung ano ang dahilan ni Pablo sa hindi niya pagpunta. Bagama't minamahal sila ni Pablo, isang pulutong ng mga kalaban ang pumukaw sa simbahan ng mga taga-Corinto, pumukol ng pagdududa patungkol sa tunay at tapat na uri ng pagmamalasakit ni Pablo. Maisingit ko lang dito, para sa akin, ito na ang pinakamasama. Ayaw kong hindi ako nauunawaan, lalo na sa sitwasyon kung saan ginawa ko ang lahat, nagsakripisyo, hindi sinipot, o kaya ay lumampas na sa aking kapasidad para sa ibang tao. Hindi ko sinasabing lagi itong nangyayari sa akin, subalit kapag nangyari ito, lagi akong nakikipagbuno sa dalawang pangunahing desisyon: 1. Pagkakatiwalaan ko ba ang Panginoon ng aking dangal, panatag na may malinaw na budhi ako sa harap Niya (v. 12)? 2. Kaya ko bang patuloy na mahalin ang mga taong pinagbintangan ako? 

Hindi karaniwang positibo ang ibig sabihin kapag sinabihan ka ng isang tao na ipinagtatanggol mo ang isang bagay. Iniisip natin na ang tanging maka-Diyos na tugon ay ang manatiling tahimik at hindi kailanman ipaliwanag ang ating mga sarili. (Sinabi ng Mga Kawikaan 9:8 na huwag punahin ang mapangutya.) Subalit minsan, ang pagpapaliwanag ng ating mga gawain ay hindi lamang nararapat, bagkus, kailangan din para sa kaugnayan. Kaya paano mo malalaman kung kailangan mong ipagtanggol ang sarili mo o hindi? Heto ang litmus test na ginagamit ko: Kung ang pagtatanggol sa sarili ko ay naiudyok ng sariling-pag-iingat at nailalarawan ng pagmamalaki, galit, takot, o kaya ay sariling-katuwiran, malamang ito ay galing sa pagkatao ko. Samantala, kung ang pagtatanggol sa sarili ko ay naiudyok ng pagmamahal para sa ibang tao at nailalarawan ng kalinawan, pagpapakumbaba, kabaitan, at katapatan, ito ay galing sa Espiritu Santo. Nakatala sa buong sulat natin na malinaw na ipinagtatanggol ni Pablo ang sarili niya, hindi para sa kapakanan ng sariling pagmamatuwid, bagkus para sa pagmamahal niya sa mga taga-Corinto. 

Ano ang iyong awtomatikong reaksyon kapag ikaw ay hindi naunawaan o pinagbintangan?