Kaligayahan! sa Iyong Mundo! Isang Pagbibilang Hanggang Sumapit ang PaskoHalimbawa

Si Zacarias ang paring napili upang magsunog ng insenso sa Templo ng Panginoon para sa sambayanan. Subalit noong naroon na siya sa tabi ng altar ng insenso, may dumating na hindi-inaasahang bisita! Pinadala ang anhel na Gabriel mula sa langit upang maghatid ng isang nakakapukaw na mensahe para kay Zacarias at Elisabet. "Huwag kang matakot, Zacarias! Dininig ng Diyos ang iyong panalangin," ang mga winika ng anghel noong mga makasaysayang sandaling iyon. Tahimik ang Diyos nang may 400 taon at sa sandaling iyon, narinig ni Zacarias ang malinaw na tinig ng kasagutan sa kanilang ipinanalangin mula pa nang sila ay ikasal maraming-maraming taon nang nakakalipas. Matapos ang maraming taon ng pag-aantay at pananalangin, mararanasan na sa wakas nina Elisabet at Zacarias ang tugon ng langit sa kanilang buhay at pagpapamilya. Totoo ba ito? Posible bang sa kabila ng ilang dekadang sila ay mag-asawa, na mabuntis at manganak ng isang lalaki? Kakayanin ba ng matanda at maselang katawan ni Elisabet ang 9 na buwang pagbubuntis at ang sakit ng panganganak? Diyos, Ikaw ba ay tunay na ganito kabuti? Totoo: Walang pasubaling naririnig ng Diyos ang iyong mga panalangin. Mataimtin na pinakikinggan Niya ang iyong mga hiling at kaluguran Niya kapag ang isang mananampalataya ay walang pasubali at hindi nahihiyang lumapit sa Kanya. Itinuturo ng Biblia sa mga Cristiano ng bawat salinlahi na humingi at patuloy na humingi, maghanap at patuloy na maghanap, kumatok at patuloy na kumatok! (Mateo 7:7) Ano ang iyong ipinapanalangin? Maaaring isang hindi-ligtas na asawa ...isang suwail na anak ...kalayaang pinansiyal ...mga pagkabahalang pangkalusugan ang taon nang nangingibabaw sa iyong mga panalangin. Kailangan mong parisan sina Elisabet at Zacarias na patuloy na nanalangin nang may pananalig at pag-asa! Pasko ang panahon na marapat nating asahan ang paglusob ng langit sa ating maalabok at maruming mundo. Sa Pasko naaalala natin na ang mga himala ay totoong nangyayari, ang mga panalangin ay totoong sinasagot at ang langit ay singlayo lang ng isang tugon. Pinararangalan mo ang Diyos kapag hinihingan mo Siya ng imposibe! Espesyalidad ng Diyos ng Pasko ang imposible!