Billboard BeautyHalimbawa

Campaign for Real Beauty

Sari-saring reaksyon ang manggagaling sa studio audience. Maging sila ay aaming minsan ay hindi maganda ang tingin nila sa sarili.

Babalikan ko ang pakikipanayam kay Kira.“Pamilyar ka ba sa kampanya ng Dove noong 2004? ‘Campaign for Real Beauty’ ang ibinansag nila dito.” Tatango siya. Mananahimik ang audience.

Ipapakita ang statistics sa screen at muli kong babasahin ang script. “Alam niyo ba na sa lahat ng lumahok sa kampanyang ito sa buong mundo, 2% lamang ang nagsasabing sila ay maganda?” sambit ko nang may kalungkutan sa tinig (para madrama). “Gayunpaman, 81% ang naniniwalang hindi makatotohanan ang pamantayan ng kagandahang ipinapakita sa midya. At 75% ang nagnanais ng pagbabago sa paraan ng pagpapakita ng midya ng kagandahan.”

Ibabaling ko ulit ang atensiyon kay Kira. “Ano ang maipapayo mo sa mga manonood tungkol dito?”

Aayusin niya ang mikropono at sasabihing, “Huwag kayong magpapauto sa sinasabi ng media. Maganda kayo. Hindi niyo lang nakikita iyon kasi kung anu-anong konsepto ng kagandahan ang ipinapasok sa inyo ng mundo. Hindi ninyo makikita iyong kagandahan na iyon kung hindi niyo matututunang mahalin muna ang sarili ninyo.“

Papalakpak ang audience. Ngingiti si Kira sa camera. Kakamayan ko siya. Sisigaw ng “Cut!”si Direk. Titigil ang camera. Papatayin ang ilaw. Tapos na ang programa.

Tapos na rin ang ilusyon.