12 Malalaking Pagkakamali na Maaaring Maiwasan ng mga MagulangHalimbawa

Pinupuri Natin Ang Mga Maling Bagay

Sa lahat ng mga talata sa Banal na Kasulatan tungkol sa mga bata, wala ni isa ang nagsasabing, “Purihin mo ang iyong mga anak sa bawat araw na gumising sila. Huwag mo hahayaang lumubog ang araw nang hindi sinasabing, ‘Napakatalino mo.’” Gayunpaman, pakiramdam natin ay tinatalikuran natin ang ating mga tungkulin bilang magulang kung hindi natin pinupuri ang ating mga anak.

Bagaman ang Biblia ay maaaring hindi tuwirang tumatalakay sa isyu ng pagpupuri sa iyong mga anak, mayroon itong kaunting sinasabi tungkol sa paghihikayat sa iba. Sa katunayan, may isang talata tungkol sa paggawa nito araw-araw. Ang Mga Hebreo 3:13 TLAB ay nagsisimula ng, Nguni't kayo'y mangagpangaralan sa isa't isa araw-araw, samantalang sinasabi, 'Ngayon,' ... Ang salitang iyon, "pangaralan," ay mula sa salitang Griyego, parakaleo< /i>, na nagbibigay ng isang imahe ng pagtawag sa isang tao sa isang tabi upang turuan o aliwin siya. Nag-aalok ito ng mas magandang larawan kung paano natin dapat hikayatin ang ating mga anak. Sa halip na mabilis na sabihin sa kanila na sila ay maganda o matalino, dapat nating tawagin sila sa isang tabi at direktang magsalita sa kanilang mga natatanging kagalingan at pagsisikap.