Oswald Chambers: Kapayapaan - Buhay sa EspirituHalimbawa

Aling mga araw ang talagang nagpaunlad sa iyo sa pagkilala sa Diyos-ang mga araw na maaliwalas at payapa at sagana? Hindi kailanman! Ang mga araw ng kagipitan, ang mga araw ng paghihirap, ang mga araw ng nakakabiglang mga pangyayari, ang mga araw na ang toldang tinatahanan natin ngayon ay napwersa sa sukdulan nito, iyon ang mga araw na natutunan mo ang kahulugan ng alab ng "Hayo." Anumang matinding kalamidad sa natural na mundo-kamatayan, sakit, pagkalungkot-ay gigising sa isang tao nang tulad ng walang iba, at hindi na siya kailanman magiging gaya ng dati. Hindi natin kailanman malalaman ang "nakatagong mga kayamanan" kung tayo ay laging nasa lugar ng tahimik na seguridad.

Sa kabila ng ating pagbatid ng karumihan, sa kabila ng lahat ng ating pagmamadali at interes sa mga gawain ng mundo, at sa kabila ng lahat ng ating lohika, ang hindi-maiiwasang pagbatid sa Diyos ay darating at gagambala sa ating kapayapaan.

Mga Tanong sa Pagninilay: Ano ang itinuturo sa akin ng problema tungkol sa kapayapaan? Tinatanggap ko ba ang Diyos upang makialam sa aking buhay o inilagay ko ang isang karatulang "Huwag Istorbohin" sa pintuan ng aking buhay?

Mga siping ginamit ay mula sa The Philosophy of Sin, © Discovery House Publishers