Oswald Chambers: Kapayapaan - Buhay sa EspirituHalimbawa

Ang pagparito ni Jesu-Cristo ay hindi isang mapayapang bagay, ito ay isang paggambala, isang pagdaragsang hindi mapigilan. Handa ba akong isilang sa dakong kinalalagyan ni Jesus? Kung gayon, dapat akong maging handa sa mga kaguluhan sa kaharian na aking kinalalagyan. Ang kapangyarihan na pumagitan sa Diyos at tao ay kailangang takluban, at ang pagpasok ni Jesu-Cristo ay nangangahulugan ng ganap na kaguluhan patungkol sa aking pamamaraan ng pagturing sa mga bagay, isang pagtataob ng lahat. Ang dating mga bagay at ang dating kapayapaan ay dapat lumisan, at hindi natin maaaring matamo ang kapayapaan sa dating kapatagan.

Kapag pinaghaharian ni Satanas ang mga puso ng mga likas na taong nasa ilalim ng inspirasyon ng diablo, hindi sila nababagabag, sila ay payapa, sanay na sa malinis na kamunduhan (cf. Mga Awit 73), at bago mapagharian ng Diyos ang kaharian ng isang tao dapat muna Niyang buwagin ang bulaang paghaharing ito.

Mga Tanong sa Pagninilay: Anong kaguluhan ang kailangan kong pagdaanan upang maabot ang kapayapaan? Anong paggambala ang kinakailangan upang maitaob ang dating mga bagay? Anong bulaang paghahari ang dapat mabuwag?

Mga siping ginamit ay mula sa Servant as His Lord, © Discovery House Publishers