குணமாக்கும் கிறிஸ்துமாதிரி

1 சாமுவேல் 1:6, 12-17 வசனங்களில் அன்னாளும், ஆதியாகமம் 17:15-21; 20:17,18; 21:1,2 வசனங்களில் ஆபிரகாமும் செய்தது போல, எகோவாவை மகளிர் நல மருத்துவராக எண்ணி உங்களுடைய உடல் நிலையைக் குறித்து அவரிடம் ஆலோசிக்கலாம் அல்லவா?

அல்லது, எகோவாவை உங்கள் இருதய சிகிச்சை நிபுணராக எண்ணி உங்களுடைய இருதயத்தின் நிலைமையைக் குறித்து அவரிடம் ஆலோசனை கேட்கலாம் அல்லவா? (ஆதியாகமம் 2:21, 22; ஏசாயா 57:15). ஆதியாகமம் 2ம் அதிகாரத்தை வாசிக்கும்போது, எகோவா தேவன் முதலாவது இருதய அறுவை சிகிச்சை மருத்துவர் என்பது மட்டும் அல்ல, முதலாவது மயக்கவியல் மருத்துவர் என்பதயும், இருதய அறுவை சிகிச்சையின் போது இரத்தம் உறைந்து விடாமல் இரத்தத்தின் தன்மையை பாதுகாக்கும் மருத்துவம் பயின்ற (Perfusionist) முதலாவது மருத்துவர் என்பதையும் நீங்கள் மறந்துவிடக்கூடாது! அவர் ஒருவரே எல்லாமாயிருக்கிறார் என்பது எவ்வளவு பேரானந்தம்!! எனவே உங்களுடைய சரீர பெலவீனத்தைக் குறித்து தேவனிடம் பேசுங்கள், அவரது ஆலோசனையையும் அறிவுரையையும் பெற்றுக் கொள்ளுங்கள் என்று நான் சொல்லும்போது, நீங்கள் உங்கள் உடல் நிலையைக் குறித்து தெரிந்து வைத்திருப்பதைக் காட்டிலும், ஒரு மருத்துவர் உங்கள் உடல் நிலையைக் குறித்து அறிந்து வைத்திருப்பதைக் காட்டிலும், உங்களுடைய உடல் நிலையைக் குறித்து எல்லவற்றையும் மிகவும் துல்லியமாக அறிந்து வைத்திருக்கிற இப்பேர்ப்பட்ட விசேஷமான ஒருவரிடம் செல்லுங்கள் என்று தான் சொல்லுகிறேன். மனிதனுக்கு முதல் முறையாக அறுவை சிகிச்சை நடந்தபோது, அந்த பொறுப்பை ஒரு தேவதூதனிடம் கொடுக்காமல் தேவனே அதை செய்ததை எண்ணி நான் மிகவும் பூரிக்கிறேன்!!! அவருக்கே எல்லா துதியும் கனமும் மகிமையும் உண்டாவதாக, அல்லேலூயா!

உங்களுடைய எலும்புகளும் மூட்டுகளும் எப்போதும் வலித்துக் கொண்டேயிருக்கிறதே அதுபற்றி எலும்பு மற்றும் மூட்டு அறுவை சிகிச்சை நிபுணராகிய எகோவா தேவனிடத்தில் நீங்கள் விசாரித்ததுண்டா? (சங்கீதம் 34:19,20; நீதிமொழிகள் 16:24; 15:30) அல்லது உங்களுடைய இரத்தத்தின் நிலைமையைக் குறித்து இரத்தயியல் நிபுணராகிய எகோவாவிடத்தில் விசாரித்திருக்கிறீர்களா? உங்களுடைய எலும்பு மஜ்ஜைகள் ஆரோக்கியமான அணுக்களை உற்பத்தி செய்ய வேண்டுமென்றால், அவரால் மட்டுமே அதை செய்யமுடியும் (எபிரெயர் 4:12; நீதிமொழிகள் 3:8). உங்கள் சரீரம் எப்பேர்ப்பட்ட விசித்திரமான நோயினால் பாதிக்கப்பட்டிருந்தாலும் சரி, உடனடியாக தேவனுடைய வார்த்தைக்கு செல்லுங்கள், உங்கள் வைத்தியராகிய ஏகோவா தேவனிடத்தில் முதலாவது ஆலோசியுங்கள்.