Soma Biblia Kila Siku 12/2024Mfano

Hakuna tukio lolote litakaloweza kumwangamiza aaminiye. Inawezekana litazaa huzuni moyoni mwake, lakini Mungu atamsimamia. Anazungukwa na malaika, na ahadi za Mungu zinampa tumaini katika taabu. Na zaidi ya hayo, hayupo peke yake taabuni. Bwana mwenyewe yupo pamoja naye. Je, unajua huyu Bwana ni nani? Ni Mungu pamoja nasi, ni Imanueli, ni Yesu Kristo. Ndivyo malaika alivyomwambia Yusufu, huyu alipogundua kwamba mchumba wake, Mariamu, alikuwa na mimba:Tazama, bikira atachukua mimba, Naye atazaa mwana; Nao watamwita jina lake Imanueli; Yaani, Mungu pamoja nasi(Mt 1:23). Ukiwa pamoja na Yesu, hakuna jambo linaloweza kukuangamiza. Na mwisho wa taabu yako ni nini? Uzima wa milele na wokovu wa milele, kwa sababu katika m.16 Mungu anaahidi:Nitamwonyesha wokovu wangu.