Soma Biblia Kila Siku 12/2024Mfano

Mafundisho haya hayahusu tu jamii ya watu, lakini pia kanisa. Hivyo yanahitaji kuzingatiwa sana na Wakristo na kipekee na viongozi wa kanisa!Kidogo alicho nacho mwenye haki ni bora kuliko wingi wa mali wa wasio haki(m.16). Ukijipatia mali kwa njia isiyo haki huna heri, na yale uliyo nayo hayakupi raha kama ulivyotegemea. Bali ukiridhika na hali aliyokupa Bwana na kuzidi kumwambia mahitaji yako, hutakosa baraka zake. Utaona raha kuliko asiye haki, ingawa ana mali nyingi. Zingatia zaburi inavyofafanua tofauti ya mwenye haki na asiye haki:Asiye haki hukopa wala halipi, Bali mwenye haki hufadhili, hukirimu. ... [Mwenye haki] ajapojikwaa hataanguka chini, Bwana humshika mkono na kumtegemeza. Nalikuwa kijana nami sasa ni mzee, Lakini sijamwona mwenye haki ameachwa Wala mzao wake akiomba chakula. Mchana kutwa hufadhili na kukopesha, Na mzao wake hubarikiwa(m.21 na 24-26)!