Soma Biblia Kila Siku 02/2024Mfano

Mungu wetu ni Mungu aliye hai. Ni Mungu anayewasiliana na wanadamu. Ni Mungu aliye tofauti na miungu isiyosema wala kujitambulisha kwa watu. Mungu wa kweli anatoa utaratibu wa jinsi ya kuhusiana naye kwa ibada. Musa alisimama kati ya Mungu na taifa la Israeli. Mungu na taifa walikutana kupitia kwa Musa. Lakini wakati huu wa sasa, ambao ni wakati wa Agano Jipya, Mungu anasema na sisi moja kwa moja kwa njia ya Mwana wake, Yesu Kristo.Mungu, ambaye alisema zamani na baba zetu katika manabii kwa sehemu nyingi na kwa njia nyingi,mwisho wa siku hizi amesema na sisi katika Mwana, aliyemweka kuwa mrithi wa yote, tena kwa yeye aliufanya ulimwengu.Yeye kwa kuwa ni mng'ao wa utukufu wake na chapa ya nafsi yake, akivichukua vyote kwa amri ya uweza wake, akiisha kufanya utakaso wa dhambi, aliketi mkono wa kuume wa Ukuu huko juu(Ebr 1:1-3). Tafakari maana yake kwake, kisha umshukuru Mungu kwa neema hii.