Soma Biblia Kila Siku 02/2024Mfano

Mungu anataka kusiwepo na uhalifu, ila watu ni waovu na kutendeana isivyopaswa, wakiibiana, kudhulumiana, kuharibu mali ya wengine n.k. Kwa hiyo Mungu anatoa mwongozo wa namna ya kuwatendea wahalifu wasioitii sheria yake. Sheria ya Mungu imewekwa ili kulinda taifa, na kulifanya liwe na utaratibu unaokubalika na Mungu, na limtazame Mungu daima. Unapomkosea mwenzako, umsaidie kuondoa maumivu uliyoyasababisha kwake ukiomba msamaha na kuwa tayari kufidia ile hasara uliyomletea. Zingatia ushuhuda wa Zakayo katika Lk 19:8 akimwambia Bwana Yesu,Tazama, Bwana, nusu ya mali yangu nawapa maskini, na ikiwa nimenyang'anya mtu kitu kwa hila namrudishia mara nne.