Soma Biblia Kila Siku /Juni 2023Mfano

Hatujui huyu nabii ni nani, lakini si Eliya. Walikuwepo manabii wengine wacha Mungu. Katika vita hii Mungu anajidhihirisha tena kwa Ahabu. Lengo la Mungu ni kwamba Ahabu atambue kuwa Mungu ni Bwana. Ahabu anasikiliza maneno ya nabii na kushinda katika vita, pia anasaidiwa kwa kutabiriwa ajiandae kwa vita itakayotokea mwaka ujao. Lakini bado Ahabu hajatambua ukuu wa Mungu. Zingatia onyo analotoa Paulo katika Rum 2:4-5 akiuliza,Waudharau wingi wa wema wake na ustahimili wake na uvumilivu wake, usijue ya kuwa wema wa Mungu wakuvuta upate kutubu? Bali kwa kadiri ya ugumu wako, na kwa moyo wako usio na toba, wajiwekea akiba ya hasira kwa siku ile ya hasira na ufunuo wa hukumu ya haki ya Mungu. Wewe je,waudharau wingi wa wema wake na ustahimili wake na uvumilivu wake Mungu?