Soma Biblia Kila Siku /Juni 2023Mfano

Wakati ule Mataifa waliamini kwamba kila taifa lina mungu wake, na walitambua Mungu wa Waisraeli kama mungu wa milima. Lakini Waisraeli walishinda vita hata katika nchi tambarare. Sababu siyo kwamba walimwamini sana Mungu, bali yeye alitaka kujidhihirisha kwa wote kama Mungu wa kweli duniani pote. Ndiyo maana nabii anapomwambia Mfalme wa Israeli, Bwana asema hivi, Kwa sababu Washami wamesema, Bwana ni Mungu wa milima wala si Mungu wa nchi tambarare; basi nitawatia makutano haya yote walio wengi mkononi mwako, nanyi mtajua ya kuwa ndimi Bwana(m.28). Ahabu hakutii maagizo ya Mungu alipomwacha mfalme Ben-hadadi kuishi na hata kupatana naye. Kwa sababu agizo la Mungu lilikuwa hivi,Utawapiga; wakati huo ndipo uwaondoe kabisa; usifanye agano nao, wala kuwahurumia; wala usioane nao(Kum 7:2). Sisi je, tunafanana na Ahabu aliyeamua mwenyewe kama alivyoona ni vema?