Soma Biblia Kila Siku/ FEBRUARI 2023Mfano

Kuwa kiongozi kwa ngazi yoyote ni jambo la kumshukuru Mungu. Kwa sababu katika uongozi wako Mungu anakuweka ili kukutumia kuongoza watu wake. Kiongozi, tambua kuwa siyo kila wakati utapitishwa katika njia rahisi. Adoramu alikuwa mwaminifu kwa mfalme, na hivyo hasira ya watu juu ya mfalme ilimwangukia. Rehoboamu akampeleka Adoramu, aliyekuwa juu ya shokoa, nao Israeli wote wakampiga kwa mawe hata akafa. Mfalme Rehoboamu akafanya haraka kupanda katika gari, ili akimbilie Yerusalemu (m.18). Mara nyingine Mungu anaweza kukupitisha katika njia ngumu ili atimize kusudi lake. La msingi hapa ni kujifunza kuitambua sauti ya Mungu, kuitii na kuifuata kwa uaminifu wote.