Pata programuBibleProject | Tafakari ya Ujio wa YesuMfano
Katika ukurasa wa kwanza wa Biblia, Mungu anasema kuwa ulimwengu huu ni mzuri, kwa hivyo watu kwa kawaida hupata furaha katika vitu vizuri ambavyo Mungu ameumba. Lakini simulizi ya Biblia pia inaonyesha jinsi ulimwengu huu ulivyoharibiwa na ubinafsi wetu wenyewe na sasa umegubikwa na kifo na maangamizi. Je, mtu anawezaje kupata furaha katikakati ya machafuko mengi na huzuni namna hii? Katikati ya mvutano huu, Biblia inatoa mtazamo wa kipekee kuhusu furaha. Furaha ya watu wa Mungu hudumishwa na ahadi za Mungu kuhusu hatima yao ijayo, siyo hali zao za sasa. Kwa mfano, Mungu alipoiokoa Israeli kutoka utumwani, walipaza sauti kwa furaha ingawa bado walikuwa katikati ya jangwa, mbali sana na nchi ambayo Mungu aliahidi kuwapatia.
Soma:
Zaburi 105:42-43, Kutoka 15:1-3
Tafakari:
Ni ahadi zipi za Mungu zinakusaidia kufurahia leo?
Ili kuitika, andika au kuimba sala yako ili kusherehekea ahadi za Mungu kwako.
Andiko
Kuhusu Mpango huu
BibleProject ilibuni Tafakari ya Ujio wa Yesu ili kuhamasisha watu mmoja mmoja, vikundi vidogo vidogo, na familia kusherehekea majilio, au kuwasili kwa Yesu. Mwongozo huu wa wiki nne unashirikisha video za kikatuni, mihutasari mifupi, na maswali ya kutafakari ili kuwasaidia washiriki kuchunguza maana ya Biblia ya tumaini, amani, furaha, na upendo. Chagua mwongozo huu ili kujifunza jinsi maadili haya manne yamefika ulimwenguni kupitia kwa Yesu.
More
Tungependa kushukuru BibleProject kwa kutoa Mpango huu. Kwa habari zaidi, tafadhali tembelea: https://bibleproject.com
