BibleProject | Tafakari ya Ujio wa YesuMfano

Katika barua za Paulo, anaangazia upendo wa Mungu. Anafundisha kuhusu jinsi unavyoenea kwa zaidi ya Wayahudi ili kuwajumuisha Watu wa Mataifa na jinsi hakuna chochote kinachoweza kuwatenganisha watu wa Mungu na upendo huo. Katika barua moja, Paulo anatambua kuwa upendo wa Yesu ni mwingi mno kiasi kwamba watu wanahitaji msaada wa kiroho ili kuuelewa na kuutegemea. Kisha Paulo anawaombea wasomaji wake ili watiwe nguvu na Roho wa Mungu.

Soma:

Waefeso 3:14-21, Warumi 8:38-39

Tafakari:

Soma vifungu vya siku kwa makini. Soma kwa makini maneno na sitiari ambazo Paulo anatumia. Unaona nini?

Umewahi kujiuliza ikiwa wewe (au mtu mwingine) umetenda dhambi mno kiasi cha kutostahiki kupokea upendo wa Mungu? Dhambi yetu inaweza kubwa sana, lakini upendo wa Yesu ni mwingi mno zaidi yake Au kwa maneno mengine, palipo na dhambi zaidi ya tunavyoweza kukumbuka, upendo wa Yesu unaweza kusamehe hata zaidi ya tunavyoweza kupima. Hatuwezi kuupata upendo wa Mungu kutokana na vitendo vyetu; tunaweza kujiinyenyekeza tu ili kuupokea. Ni nani mwingine anahitaji kukumbushwa habari hii njema leo?

Geuza tafakuri zako kuwa sala kwa Mungu kutoka moyoni mwako. Muombe Mungu akupatie uwezo wa kuelewa na kuamini upendo wa Yesu kwako na wengine.