BibleProject | Tafakari ya Ujio wa YesuMfano

Mungu wa Biblia haonyeshi upendo tu, yeye ni upendo. Kama Mungu wa utatu, Baba, Mwana na Roho, amekuwa na daima atakuwa kiumbe anayehamasishwa na mahitaji ya wengine, anayejitolea na wa watu wote. Upendo si mojawapo ya sifa zake tu. Upendo ndio asili yake. Yesu, Mwana, anaonyesha kikamilifu mfano halisi wa upendo wa Mungu na kuudhihirisha kwa uwazi zaidi anapotoa maisha yake kwa niaba ya wanadamu. Watu wanapojifunza kuamini upendo wa Yesu kwao, wanajiunga katika jumuiya ya Mungu ya upendo, na asili yao yenyewe hubadilishwa ili kuwapenda wengine pamoja naye. 

Soma: 

1 Yohana 4:8, 1 Yohana 4:16, 1 Yohana 3:16, Yohana 15:9-13 

Tafakari: 

Chambua 1 Yohana 4:16. Umejifunza kuamini kuwa Mungu anakupenda kwa kweli? 

Ikiwa ndivyo, eleza uzoefu wako wa kupokea upendo wake. Ni nini kimebadilika katika maisha yako tangu ulipoanza kuamini kabisa kuwa Mungu anakupenda? Unawezaje kushiriki upendo wake na mtu leo?

Ikiwa sivyo, eleza jinsi ulivyopata shida kupokea upendo wa Mungu kwako. Unafikiri ni nini kingebadilika katika maisha yako ikiwa ungeamini kabisa kuwa Mungu anakupenda?

Chambua Yohana 15:9. Unafikiri Mungu anampenda Yesu kwa kiasi gani? Jaribu kutafakari wazo kuwa Yesu anakupenda kwa kiasi sawa na hicho. Ni maswali gani, mawazo, au hisia zinaibuka unavyofikiria kuhusu hili? 

Yesu alilinganisha upendo wake na mahali ambapo unaweza kuishi au “kukaa". Ili kuishi mahali fulani, ni lazima uhamie huko kwanza, ufungue mizigo, ujifunze kuhusu mazingira hayo na jinsi ya kuishi bila shida. Unafanya nini kingine unapoishi mahali fulani? Hili linaweza kulinganishwa vipi na kuamini upendo wa Yesu kwako?

Acha kusoma kwako na kutafakari kuchochee sala. Ongea na Mungu kuhusiana na mshangao unaoupata kutokana na upendo wake. Kuwa mkweli kuhusiana na namna unavyotatizika kuupokea, na uombe unachohitaji ili kuamini upendo wake kwako leo.