Kukua katika UpendoMfano

Upendo Unaokua ni wa Kumtegemea Mungu

Ni rahisi maisha yetu kuwa na shughuli nyingi mpaka tunakosa kitu ambacho ni cha muhimu zaidi. Lakini katika majira haya, Mungu amekuwa akinionesha umuhimu wa mahusiano na kukua katika upendo. Katika siku chache zijazo, tutaangalia jinsi tunavyoweza kukua katika upendo wetu na Mungu na wengine ili tuweze kujua shauku kubwa ya Mungu na wito wake kwetu-- kujua na kuishi kutokana na upendo wake.

Kusema ukweli, Maandiko yanatuambia katika Mathayo 22:37-40 kwamba kumpenda Mungu kwa vyote tulivyo navyo na kuwapenda watu kama nafsi zetu kunatimiza sheria yote na manabii.

Yawezekani ulijua hili. Lakini ni rahisi kusema kuliko kutenda, kweli?

Badala ya kutoa sababu milioni kuhusu kwa nini hii inaonekana haiwezekani, ninachagua kukua katika miito hii muhimu zaidi. Na nakisia na wewe unataka kufanya hivyo.

Kwa hiyo, tunaweza kiasi gani kupenda namna hii? Kwa kweli hatuwezi--wenyewe.

Tunahitaji kumwangalia Mungu--chanzo cha upendo! Biblia inatufundisha kwamba Mungu si tuu chanzo cha upendo, lakini Mungu ni upendo (angalia 1 Yohana 4:16). Kama Wakristo, tunaweza sasa kupenda kweli kwa sababu tuna uzoefu wa upendo wake wa neema kwa ajili yetu (angalia Wafilipi 2:1-2). 

Japokuwa hatuwezi kuufikia upendo kamili katika upande huu wa mbingu, tunaweza kukua katika uwezo wetu wa kupenda. Na kuishi kutokana na upendo wa Mungu kunawezekana tunapojifunza kukubali na kumtegemea yeye kila wakati. 

Kumbuka maisha yako yalikuwaje kabla hujapata neema ya Mungu na msamaha? Tulia na utaje baraka tatu unazozifurahia sasa kama Mkristo.

Tunapotambua, kushikamana, na kufurahia Mungu ni nani, upendo halisi utatokea!.

Hebu tuangalie mfano wa Bwana wetu Yesu:

Yesu aliwaambia wale waliomdhihaki na kutomuamini kwamba kila kitu alichokifanya na kusema kilitokana na maelekezo ya baba yake wa mbinguni. Na matokeo yake, watu walichoshuhudia katika maisha yake kilikuwa ni huruma tuu, upendo wa kubadili hatima.

Kama tutakua katika upendo, hautakuja kwa kujaribu kwa bidii na kutegemea juhudi zetu. Tunatakiwa kujifunza kutoka kwa Yesu na kuufuata uhusiano wa karibu sana na Mungu kupitia maombi. 

Tutahitaji kuwa wajuzi wa Biblia kupata maarifa kuhusu kutembea katika upendo, na tutatakiwa kujifunza kuangalia na kutegemea maisha yake ndani yetu. Tukifanya hivyo, tutakuwa chemchem ya wema wake katika maisha yetu.

Omba: Chukua muda kuongea na Mungu. Kubali kwamba unahitaji kumtegemea zaidi. Mueleze Mungu jinsi inavyofurahisha kuwa mwana wake, na muombe akuoneshe njia maalum unazoweza kuishi kwa Roho Mtakatifu ndani yako.