Soma Biblia Kila Siku Juni 2021Mfano

Maana ya m.1 ni kuja kwa Roho Mtakatifu siku ya Pentekoste. Tukio la Yesu kugeuka sura mlimani linathibitisha kwa njia tatu kwamba yeye kweli ni Mwana wa Mungu aliyetumwa duniani kwa kazi ya ukombozi: 1. Aligeuka sura, na utukufu wake wa kimungu ukaonekana (m.2b-3: akageuka sura yake mbele yao; mavazi yake yakimeta-meta, meupe mno, jinsi asivyoweza dobi duniani kuyafanya meupe). 2. Manabii wawili walioko Mbinguni wakaonekana pamoja naye (m.4). Walizungumzia nini? Jibu linapatikana katika Lk 9:31, Wakanena habari za kufariki kwake atakakotimiza Yerusalemu. 3. Sauti ya Mungu ikasikika kama wakati wa ubatizo wa Yesu, ikisema, Huyu ni Mwanangu, mpendwa wangu, msikieni yeye (m.7). Je, umelifuata agizo la Mungu la kumsikia na kumtii Yesu Kristo?