Soma Biblia Kila Siku Mei 2021Mfano

Si halali kwako kuwa na mke wa nduguyo (m.18). Kwa maneno haya Yohana Mbatizaji alikuwa amekemea dhambi ya Mfalme Herode. Ilikuwa ni hatari kubwa, lakini Yohana alimwogopa Mungu kuliko wanadamu. Na kweli, Mfalme Herode alikasirika, akamfunga Yohana gerezani. Mwisho Yohana akauawa, ila Herode mwenyewe hakupenda iwe hivyo, maana Herode alimwogopa Yohana; akimjua kuwa ni mtu wa haki, mtakatifu (m.20). Fundisho ni kwamba sifa nzuri ya mtumishi wa Bwana ina nguvu kubwa katika jamii (ling. Mt 5:16 ambapo Yesu anasema, Vivyo hivyo nuru yenu na iangaze mbele ya watu, wapate kuyaona matendo yenu mema, wamtukuze Baba yenu aliye mbinguni)!