Soma Biblia Kila Siku Mei 2021Mfano

Somo linaeleza makkundi mawili ya watu. Kundi la kwanza wameitwaje? Ni watu wa dunia hii ambao fungu lao li katika maisha haya (m.14). Hawa, tumaini lao lote li katika maisha haya; wamejibidisha kutafuta utajiri na anasa za dunia hii. Huwawekea wototo wao hazina za mali ya ulimwengu huu – basi! Kundi la pili ni la wamtumainio Mungu. Hawa hufanya nini? Mtunga zaburi anajibu katika m.4-5, akimwambia Mungu, Kwa neno la midomo yako nimejiepusha na njia za wenye jeuri. Nyayo zangu zimeshikamana na njia zako, hatua zangu hazikuondoshwa. Anafanya hivyo, akiendelea kumwomba Mungu, Nikutazame uso wako katika haki, niamkapo nishibishwe kwa sura yako (m.15). Hayo ni jumlisho la yote wayafanyayo na wanayoyatamani. Hatari nyingi zawazunguka, lakini Mungu amekuwa kimbilio lao. Hakikisha kundi lako leo. Chagua kundi la pili, ukilifanya ombi la mtunga zaburi kuwa ombi lako!