Soma Biblia Kila Siku Mei 2021Mfano

Ninyi mmejaliwa kuijua siri ya ufalme wa Mungu (m.11). Yesu alitumia sana mifano alipowaeleza watu juu ya ufalme wa Mungu (m.2, Akawafundisha mambo mengi kwa mifano). Hivyo aliiweka wazi habari ya ufalme wa Mungu, haikuwa tena siri. Hata hivyo kuna wengine waliokuwa hawaelewi. Ila wanafunzi wa Yesu walitambua, maana walipokea kwa imani (m.20, Hawa ndio waliopandwa penye udongo ulio mzuri; ni watu walisikiao lile neno na kulipokea). Ndivyo ilivyo hata leo! Fundisho: 1. Neno la Yesu lipewe umuhimu wa kwanza kwa maisha yetu yote. 2. Tumsihi Yesu atufunulie maana ya neno lake kwa uwezo wa Roho Mtakatifu. Tufanye kama wale Thenashara, walimwuliza habari za ile mifano (m.10).