Soma Biblia Kila Siku Mei 2021Mfano

Ni nani huyu, basi, hata upepo na bahari humtii? (m.41). Jibu lake: Vyote vilifanyika kwa huyo; wala pasipo yeye hakikufanyika cho chote kilichofanyika (Yn 1:3). Kama Marko alivyoweka wazi mara moja katika andiko lake la Injili, Yesu ni Mwana wa Mungu (1:1). Pamoja na Mungu aliziumba mbingu na nchi. Hakuna jambo lisilowezekana kwake. Hata Tanzania mara kwa mara tumeuona ukuu wake. Kwa mfano kwenye mikutano ya hadhara aliposikia maombi yetu ya kupata hali nzuri ya hewa. Tusiwe waoga tukiwa taabuni. Mwana wa Mungu yu pamoja nasi kila siku. Ndivyo wanafunzi wake wa kwanza wanavyoshuhudia katika Mk 16:20 kwamba Yesu alipowatuma wakatoka, wakahubiri kotekote, Bwana akitenda kazi pamoja nao, na kulithibitisha lile neno kwa ishara zilizofuatana nalo.