Soma Biblia Kila Siku Februari 2021Mfano

Nchi hii yote uionayo, nitakupa wewe na uzao wako hata milele. Na uzao wako nitaufanya uwe kama mavumbi ya nchi(m.15-16). Mungu alimhakikishia Abramu kuwa yeye ndiye aliyechaguliwa kati ya wanadamu wote. Na taifa litakalotoka katika uzao wake litakuwa taifa teule kati ya mataifa yote (12:2-3, Nitakufanya wewe kuwa taifa kubwa, na kukubariki, na kulikuza jina lako)! Uchaguzi huu wa Mungu, je, sio ubaguzi? Ni kweli, inaonekana hivyo, lakini sivyo. Mpango wa Mungu ni wa ajabu: Na katika wewe jamaa zote za dunia watabarikiwa(12:3). Yesu Kristo ameutimiza! Kama Petro alivyoeleza katika Mdo 3:25-26,Ninyi mmekuwa watoto wa manabii na wa maagano yale, ambayo Mungu aliagana na baba zenu, akimwambia Ibrahimu, Katika uzao wako kabila zote za ulimwengu zitabarikiwa.Mungu, akiisha kumfufua mtumishi wake Yesu, alimtuma kwenu ninyi kwanza, ili kuwabarikia kwa kumwepusha kila mmoja wenu na maovu yake.