Soma Biblia Kila Siku 12/2020Mfano

Wakati huu wa Krismasi, tunakumbuka kuzaliwa kwa Bwana wetu Yesu Kristo hapa duniani. Hii haina maana kuwa huu ni mwanzo wa uwepo wake. Yesu alikuwepo mbinguni, alishiriki kuumba ulimwengu, na baadaye aliamua kufanyika mwili na kuzaliwa kwetu ili kutukomboa. Yeye ni Imanueli, yaani, Mungu pamoja nasi. Ujio wake unatuonyesha upendo wake kwa wanadamu. Basi, tusifanane na wale ambao hawakumpokea, bali tumpende kwa moyo wote. Yesu ni ufunguo wa uzima wa mbinguni. Mwamini, nawe utafanyika mtoto wa Mungu.