Soma Biblia Kila Siku 12/2020Mfano

Mungu ametugawia vipawa kila mmoja kwa namna yake na kwa viwango vinavyotofautiana. Anataka tuvitumie kumzalia matunda; kama vile kusaidia walio na uhitaji na wengine kuwafundisha njia ya Ufalme wa Mungu. Mwisho wa maisha yetu atatutaka kila mmoja amtolee hesabu ya matumizi ya vipawa hivyo. Hakuna mtu asiye na kipawa! Kama hujui alichokujalia mwombe Mungu akufunulie, au waulize Wakristo waumini wenzako wanaokufahamu kwa karibu. Hakikisha kuwa, daima unatumia vipawa vyako kwa unyenyekevu na kwa ajili ya utukufu wa Mungu.