Soma Biblia Kila Siku 11/2020Mfano

Huenda unapambana na dhambi maishani mwako. Huenda umeshindwa kuwa na tabia nzuri mbele ya mwajiri wako kama tulivyoona jana. Basi, sikiliza kwa makini habari njema ya leo: Yeyealizichukua dhambi zetu katika mwili wake juu ya mti (msalaba); ili, tukiwa wafu kwa mambo ya dhambi, tuwe hai kwa mambo ya haki.Yaani, kwa kifo cha Yesu umekombolewa na nguvu za dhambi na Shetani! Kila unapomshukuru Yesu kwa ushindi huu, ndipo uvunjapo nguvu za giza na kupata nguvu ya Roho! Tafakari pia jinsi ukombozi na ushindi huo ulivyofafanuliwa katika Rum 6:6, Utu wetu wa kale ulisulibishwa pamoja naye, ili mwili wa dhambi ubatilike, tusitumikie dhambi tena; kwa kuwa yeye aliyekufa amehesabiwa haki mbali na dhambi.