Soma Biblia Kila Siku 11/2020Mfano

Hapa tunakumbushwa tena juu ya nafasi nzuri tuliyopewa kama Wakristo kwa rehema zake Mungu. Tumepewa sifa kubwa za ajabu: Ninyi ni mzao mteule, ukuhani wa kifalme, taifa takatifu, watu wa milki ya Mungu ... ninyi mliokuwa kwanza si taifa, bali sasa ni taifa la Mungu (m.9-10). Lakini ni lazima pia tuelewe kwamba kwa nafasi hiyo tumepewa wito maalumu kwa maisha yetu! Yaani, tuwe mashahidi wa Yesu kwa maneno na matendo! Mpate kuzitangaza fadhili zake(m.9). Wayatazamapo matendo yenu mazuri, wamtukuze Mungu (m.12). Kwa kutenda mema mzibe vinywa vya ujinga vya watu wapumbavu(m.15); Waheshimuni watu wote(m.17).