Soma Biblia Kila Siku 11/2020Mfano

Matendo mema na usafi wa nje ni sawa, lakini haya hayawezi kutupatia kibali mbele za Mungu. Kile kiujazacho moyo ndicho kinachoelekeza hatima ya mtu. Ndani ya moyo ndipo penye mipango yote ya maisha ya mtu. Dhambi hubuniwa ndani ya moyo. Hiyo humtia mtu unajisi. Usafi wa kiroho pia huanzia moyoni. Hilo humpatia mtu haki. Hivyo, changamoto ya kila Mkristo ndiyo suala la kuulinda moyo wake ili asifanane na wale Mafarisayo na waandishi waliojali mambo yanayoonekana wakaacha yale ya imani.