Soma Biblia Kila Siku 11/2020Mfano

Maneno ya leo yabeba "ole" tatu kati ya saba zilizotamkwa dhidi ya Mafarisayo na waandishi. Yesu anabainisha wazi kabisa unafiki uliokithiri katika matendo na mienendo yao. Ni onyo juu ya hatari ya hukumu ambayo ilikuwa inawakabili kwa kuwapotosha watu wasiingie katika Ufalme wa Mbinguni. Je, maneno haya yanatufundisha nini mimi na wewe? Ni muhimu sana kwetu sote kutumia dhamana ya kufundisha watu njia ya Mungu, tukitenda kwa uaminifu na kuwa mfano wa kuigwa (ling. Flp 3:17, Ndugu zangu, mnifuate mimi, mkawatazame wao waendao kwa kuufuata mfano tuliowapa ninyi).