Kusikia Kutoka Kwa Mungu Kila AsubuhiMfano

Makao ya Roho wa Mungu

Kristo akae mioyoni mwenu kwa imani mkiwa na shina na msingi katika upendo (WAEFESO 3:17)

Iwapo umeokoka, kwa matumaini unajua kuwa Yesu anaishi ndani yako kupitia kwa nguvu za Roho Mtakatifu. Swali ni, Mungu ana utulivu ndani yako? Anahisi yuko nyumbani ndani yako? Hata ingawa Roho wa Mungu anaishi ndani yako, vitu vingine vinaishi ndani yako pia- kama vile woga, hasira, wivu, au kunung’unika na kulalamika.

Wakati mmoja Mungu alinipa mfano wa jinsi ilivyo kwake Yeye kuishi katika moyo uliyo na manung’uniko, malalamiko, na kutoelewana. Je, ukienda katika nyumba rafiki yako na rafiki yako aseme, “Oh, ingia ndani. Nitakupa kikombe cha kahawa. Jitulize hapo na ujihisi uko nyumbani.” Halafu rafiki yako aanze kumpigia mumewe kelele na hao wawili warushiane maneno na kusemeshana kama wendawazimu mbele yako. Utakuwaje na utulivu katika hali kama hiyo ya kutoelewana?

Ukitaka kuwa makao ya utulivu ya Roho wa Mungu, lazima tuachane na vitu ambavyo hutusababisha kusahau uwepo wake au vinavyomkasirisha. Lazima tukome kunung’unika, kuruhusu utesi na kutotulia ndani yetu au kutokusamehe. Badala yake tunafaa kuhakikisha kuwa maisha yetu ya ndani yanahushughulika na vitu vinavyompendeza na kutukuza uwepo wa Mungu. Midomo yetu ijae sifa na shukrani. Tunafaa kuamka kila siku na kusema mioyoni mwetu, “Habari za asubuhi Bwana, nataka ujihisi kuwa uko nyumbani na utulie ndani yangu leo.”

Sisi wote tunahitaji kuchukua hesabu ya mambo yanayofanyika katika mioyo yetu kwa sababu ni makao ya Mungu. Tunachunguza maisha yetu ya ndani, tunatazama mahali patakatifu ambapo Mungu amechagua kufanya makao yake. Acha tujitolee kumstarehesha ndani yetu.

NENO LA MUNGU KWAKO LEO

Hakikisha kwamba wewe ni makao matulivu kwa Roho wa Bwana.