Soma Biblia Kila Siku 02/20Mfano

Mungu anajua mambo yetu yote: tunayofanya, tunayofikiri, tunakokwenda na tunayosema. Kwa Mkristo jambo hili linamletea usalama. Hakuna mahali ambapo Mungu hayupo. Mungu yupo pamoja naye (m.9-10: Ningezitwaa mbawa za asubuhi, Na kukaa pande za mwisho za bahari; Huko nako mkono wako utaniongoza, Na mkono wako wa kuume utanishika). Kwa mtu anayemkataa Mungu jambo hilo linamletea shida, kwa sababu anapojaribu kutafuta njia ya kutoroka kutoka kwa Mungu mwenye nguvu namna hiyo, anagundua kwamba binadamu hawezi kumtoroka Mungu awezaye kwenda mahali po pote. Giza na nuru ni sawa machoni pa Mungu anayemwona daima.