Soma Biblia Kila Siku 02/20Mfano

Daudi anaonyesha jinsi Mungu wa kweli alivyo mkuu, na jinsi Mungu anavyowapenda watu wake na kujibu maombi yao. Tena mataifa yote yangepaswa kumjua mwenyezi Mungu, kwa sababu hakuna Mungu mwingine (m.4-5: Ee Bwana, wafalme wote wa dunia watakushukuru, Watakapoyasikia maneno ya kinywa chako. Naam, wataziimba njia za Bwana, Kwa maana utukufu wa Bwana ni mkuu). Neno la Mungu linaleta matumaini na ahadi ya kuokolewa kwa watu wote duniani. Anajua kwamba Mungu daima atakuwa mwaminifu kwa kutimiza ahadi yake ya kumwokoa. Utukufu wa Mungu na neno lake linamletea Daudi matumaini, hata wakati wa mateso na shida. Kwa kweli: fadhili za Mungu ni za milele!