Soma Biblia Kila Siku 02/20Mfano

Yesu anasisitiza kwamba tusishangae ikiwa hali ya maisha yetu kama wafuasi itafanana na hali yake mwenyewe. Maana yeye ni mwalimu, sisi ni wanafunzi. Mwanafunzi hampiti mwalimu wake, wala mtumwa hampiti bwana wake. Yamtosha mwanafunzi kuwa kama mwalimu wake, na mtumwa kuwa kama bwana wake. Ikiwa wamemwita mwenye nyumba Beelzebuli, je! Si zaidi wale walio wa nyumbani mwake? (m.24-25). Yesu anajua maneno haya yanaweza kututia hofu, kwa hiyo anasisitiza mara tatu: Msiogope(m.26, 28, 31). Hata kama watu watajaribu kutulazimisha kulikana jina lake, tusiogope, maana yeye atakuwa pamoja nasi papo hapo na kututia nguvu. Na hata tukiuawa tutashinda tu, maana ajuaye yote na mwenye kuhukumu yuko upande wetu, ni Baba yetu!