Soma Biblia Kila Siku 02/20Mfano

Mungu hujibu maombi. Hufahamu haja zetu hata kabla hatujaomba. Ndiyo maana hutujalia kuyapata hata yale ambayo hatujayaomba. Mungu hutujalia kupata yaliyo mema kutoka kwake wala hawezi kupuuzia tuliyoyaomba kwa jina lake. Sisi wanadamu tulio waovu tunawapa watoto wetu zawadi nzuri. Hakuna mzazi anayeweza kumpa nyoka badala ya samaki au jiwe badala ya mkate mwanawe. Ni hakika kabisa, Mungu aliye Mtakatifu na mwenye wema wote hutujalia kupokea mema zaidi ya yale tunayoomba.