Soma Biblia Kila Siku 02/20Mfano

Kwa kadiri ya imani yenu mpate (m.29). Watu waliposikia habari za Yesu wengine walipokea kwa imani, kwa mfano yule bwana mwenye binti aliyekufa (Tazama, akaja jumbe mmoja, akamsujudia [Yesu], akisema, Binti yangu sasa hivi amekufa; lakini njoo, uweke mkono wako juu yake, naye ataishi; m.18) na huyu mwanamke mgonjwa (Kwa maana alisema moyoni mwake, Nikigusa tu upindo wa vazi lake nitapona. Yesu akageuka, akamwona, akamwambia, Jipe moyo mkuu, binti yangu; imani yako imekuponya. Yule mwanamke akapona tangu saa ile; m.21-22). Ila wengi hawakuamini tena baadhi yao wakacheka kabisa (m.24: Yesu akawaambia, Ondokeni; kwa maana kijana hakufa, amelala tu. Wakamcheka sana). Hao vipofu wawili walimwamini. Waliona jambo ambalo wengi wenye kuona hawakuona. Walitambua kwamba ni Kristo, Mwokozi aliyeahidiwa na Mungu. Imani hii walionyesha kwa kumwita Mwana wa Daudi na kwa kuamini uponyaji wake.