Soma Biblia Kila Siku 02/20Mfano

Mbona mwalimu wenu anakula pamoja na watoza ushuru na wenye dhambi? (m.11) Swali hili liliulizwa na Mafarisayo walipoona Yesu ameketi nyumbani kwa Mathayo pamoja na watoza ushuru na wenye dhambi. Baadaye huyu Mathayo akawa mtume, na ndiye aliyeiandika Injili hii tusomayo. Yesu alijibu swali, Wenye afya hawahitaji tabibu, bali walio hawawezi. Lakini nendeni, mkajifunze maana yake maneno haya, Nataka rehema, wala si sadaka; kwa maana sikuja kuwaita wenye haki, bali wenye dhambi(m.12-13)! Yesu hakula nao ili kushirikiana nao katika maovu yao, bali kwa sababu aliwapenda. Ni wenye thamani kubwa kwa Mungu. Kutakuwa na furaha mbinguni kwa ajili ya mwenye dhambi mmoja atubuye, kuliko kwa ajili ya wenye haki tisini na kenda ambao hawana haja ya kutubu(Lk 15:7). Alitaka awaokoe. Je, sisi Wakristo tunawapenda wasiomjua Mungu?