Soma Biblia Kila Siku 12Mfano

Paulo anaeleza sababu yake ya kuwaandikia Wathesalonike tena: Wasidanganywe kuamini kwa njia ya maaguzi au barua zisizo halisi kwamba siku ya Bwana Yesu inayokaribia imeshatokea. Maana kabla Yesu hajaja, lazima mambo mawili yatokee:1. Ule ukengeufu, ambao utakuwa uasi mkubwa juu ya amri za Mungu na kweli ya Injili. Ukengeufu huu utatokea wakati baadhi ya Wakristo watakaporudi nyuma. 2. Yule mtu wa kuasi, yaani mpinga Kristo, ambaye maana ya jina lake ni a: kumpinga Kristo, na b: kujiweka mahali pa Kristo, akijidai kuwa Mungu. Zingatia anavyotambulishwa katika m.4:Yule mpingamizi, ajiinuaye nafsi yake juu ya kila kiitwacho Mungu ama kuabudiwa; hata yeye mwenyewe kuketi katika hekalu la Mungu, akijionyesha nafsi yake kana kwamba yeye ndiye Mungu.