Soma Biblia Kila Siku 12Mfano

Neno kwa hiyokatika m. 11 linaonyesha kwamba maombezi ya Paulo yatokana na alivyoandika katika 1:5 kwamba Wathesalonike wastahili Ufalme wa Mungu. Mungu aliyewaita wawe watoto wake, mwenyewe atawastahilisha, akiwajaza nia ya kutenda mema. Maana yake si kwamba kazi yao itawastahilisha, maana ni kazi ya imani (m.11: Kwa hiyo twawaombea ninyi sikuzote, ili Mungu wetu awahesabu kuwa mmekustahili kuitwa kwenu, akatimiza kila haja ya wema na kila kazi ya imani kwa nguvu), yaani waokolewa kwa neema (m.12: Kwa neema ya Mungu wetu na ya Bwana Yesu Kristo). Angalia kwamba imani hutuunganisha na Yesu namna hii kwamba yeyeanatukuzwa wakati imani yetu katika yeye ikitenda kazi ndani yetu, na sisitutatukuzwa wakati Yesu akija kwa utukufu (m.12:Jina la Bwana wetu Yesu litukuzwe ndani yenu, nanyi ndani yake; ling. Kol 3:4 inayosema, Kristo atakapofunuliwa, aliye uhai wetu, ndipo na ninyi mtafunuliwa pamoja naye katika utukufu).