Soma Biblia Kila Siku 10Mfano

Ndugu Mkristo, usikubali kutawaliwa na dhambi! Tuliona jana kuwa dhambi haina haki tena kukutawala. Maana umekufa pamoja na Kristo na umefufuka pamoja naye. Umepata maisha mapya (2 Kor 5:17: Kwa kule kufa kwake, aliifia dhambi mara moja tu; lakini kwa kule kuishi kwake, amwishia Mungu. Vivyo hivyo ninyi nanyi jihesabuni kuwa wafu kwa dhambi na walio hai kwa Mungu katika Kristo Yesu). Unajua kwamba utu wako wa kale (utu wa dhambi) ulisulubishwa pamoja naye, ili usitumikie dhambi tena (m.6: Utu wetu wa kale ulisulibishwa pamoja naye, ili mwili wa dhambi ubatilike, tusitumikie dhambi tena). Basi, dhambi isitawale ndani ya miili yenu ipatikanayo na mauti, hata mkazitii tamaa zake; wala msiendelee kuvitoa viungo vyenu kuwa silaha za dhuluma kwa dhambi; bali jitoeni wenyewe kwa Mungu kama walio hai (m.12-13).