Soma Biblia Kila Siku 8Mfano

BWANA atakutawanya katika mataifa yote, tokea ncha hii ya dunia hata ncha hii ya dunia (m.64). Mungu anatabiri jinsi atakavyolitawanya taifa la Israeli. Ndivyo ilivyotokea hasa mwaka 586 kK walipopelekwa Babeli. Wachache wakarudi baadaye. Uhamisho mwingine mkubwa ni mwaka 70 bK. Wakati huo serikali ya Rumi ilitawala humo Israeli, na iliwaondoa Wayahudi wengi mno. Wakaendelea kutawanyika hadi mabara yote ya dunia. Mara kwa mara Wayahudi wameteswa na kuudhiwa sana katika nchi mbalimbali (m.65-67: Katika mataifa hayo hutapata raha iwayo yote, wala hutakuwa na kituo cha wayo wa mguu wako; lakini Bwana atakupa huko moyo wa kutetema, na macho ya kuzimia, na roho ya kudhoofika; na uzima wako utakuwa na wasiwasi mbele yako; nawe utakuwa na woga usiku na mchana, wala hutaamini kamwe maisha yako; asubuhi utasema, Laiti ingekuwa jioni! Na jioni utasema, Laiti ingekuwa asubuhi! Kwa kicho cha moyo wako utakavyokucha, na kuona kwa macho yako utakavyoona).