Soma Biblia Kila Siku 8Mfano

Mara kwa mara Yesu alitumia muda kwa ajili ya sala, ila mara nyingi haikuandikwa aliomba nini. Katika sura hii ya 17 tumepewa mfano mmoja wa sala aliyoiomba Yesu. 1.Sala inamhusu yeye mwenyewe na uhusiano wake na Baba. Kusudi kubwa la kazi ya Yesu ni kumtukuza Baba yake (m.1: Yesu ... akasema, Baba, saa imekwisha kufika. Mtukuze Mwanao, ili Mwana wako naye akutukuze wewe. m.4: Mimi nimekutukuza duniani, hali nimeimaliza kazi ile uliyonipa niifanye). 2.Sala inawahusu waliompokea na kumwamini Yesu (m.8-9: Maneno uliyonipa nimewapa wao; nao wakayapokea, wakajua hakika ya kuwa nalitoka kwako ...Mimi nawaombea hao). Kama wewe ni mmoja wao umepewa baraka ya pekee ya kuombewa na Yesu kwa Mungu! Yesu anasema: Siuombei ulimwengu; bali hao ulionipa (m.9).